آل پاکستان صرافہ جیمز اینڈ جیولرز ایسوسی ایشن کے مطابق 10 گرام کے 24 قیراط سونے کی قیمت میں بھی 18 ہزار 90 روپے کا اضافہ ریکارڈ کیا گیا، یہ قیمت اب 4 لاکھ 72 ہزار 961 روپے تک پہنچ گئی۔

سرمایہ کاروں اور تاجروں کا کہنا ہے کہ بین الاقوامی مارکیٹ میں سونے کی طلب میں اضافہ اور روپے کی قدر میں کمی نے مقامی سطح پر قیمتوں کو بڑھانے میں اہم کردار ادا کیا ہے۔

چاندی کی قیمتوں میں بھی اضافہ دیکھنے میں آیا، فی تولہ چاندی کی قیمت 271 روپے بڑھ کر 11 ہزار 911 روپے کی سطح پر پہنچ گئی، جبکہ عالمی منڈی میں فی اونس سونے کی قیمت 211 ڈالر کے اضافے کے بعد 5 ہزار 293 ڈالر تک جا پہنچی۔

ماہرین کے مطابق عالمی سطح پر سونے کی قیمتوں میں اضافہ، معاشی غیر یقینی صورتحال اور کرپٹو کرنسی میں اتار چڑھاؤ بھی مقامی مارکیٹ پر اثرانداز ہو رہا ہے۔ سرمایہ کاروں کو مشورہ دیا گیا ہے کہ وہ مارکیٹ کے اتار چڑھاؤ پر محتاط رہیں۔

یہ بھی پڑھیں:سٹاک مارکیٹ میں زبردست تیزی، ڈالر مستحکم

اس تاریخی اضافہ کے بعد پاکستان میں سونے کی خرید و فروخت میں دلچسپی میں مزید اضافہ متوقع ہے، تاجروں کا کہنا ہے کہ رواں ماہ سونے کی قیمتوں میں مزید اتار چڑھاؤ آ سکتا ہے۔

مارکیٹ کے تجزیہ کاروں نے شہریوں سے کہا ہے کہ سرمایہ کاری کے فیصلے کرتے وقت محتاط رہیں اور معتبر ذرائع سے معلومات حاصل کریں۔