نشاط گروپ کی معاونت سے پیش کی جانے والی جے5 میں جدید ٹیکنالوجی، پریمیم انٹیریئر اور جدید سیفٹی فیچرز شامل ہیں، جو اسے پاکستانی مارکیٹ میں ویلیو فار منی SUV کے طور پر ممتاز بناتے ہیں۔

واضح رہے کہ جے5 ایک سیلف چارجنگ ہائبرڈ (HEV) گاڑی ہے، جس میں 1.5 لیٹر ٹربو پیٹرول انجن کو 1.83 کلو واٹ آور بیٹری کے ساتھ جوڑا گیا ہے، یہ ٹیکنالوجی کو سپر ہائبرڈ سسٹم (SHS) ہے، جسے جیکو کی پیرنٹ کمپنی چیری (Chery) نے تیار کیا ہے۔

ایکسٹیریئر ڈیزائن:

جے5 کا فرنٹ ڈیزائن رینج روور ایووک سے متاثر ہے، گاڑی میں واٹر فال اسٹائل فرنٹ گرِل، فل LED ہیڈلائٹس (پریمیم ویریئنٹ)، 18 انچ الائے وہیلز، روف ریلز، کنسیلڈ ڈور ہینڈلز، LED ٹیل لیمپس اور جدید بمپر دیے گئے ہیں۔ بولڈ گرِل اور مضبوط ڈیزائن اسے سڑک پر نمایاں بناتے ہیں۔

انٹیریئر اور کیبن:

جے5 کا کیبن ڈوئل ٹون گرے کلر اسکیم، سافٹ ٹچ میٹیریل اور کاربن فائبر اسٹائل ٹرم کے ساتھ تیار کیا گیا ہے، 36 رنگوں کی ایمبینٹ لائٹنگ اور رینج روور سے متاثر سینٹر کنسول کیبن کو کشادہ اور جدید بناتے ہیں۔

انفوٹینمنٹ اور ٹیکنالوجی:

گاڑی میں 13.2 انچ ٹچ اسکرین انفوٹینمنٹ سسٹم دیا گیا ہے، جس کے ذریعے ڈرائیونگ موڈز، ہائبرڈ انرجی یوز اور دیگر سیٹنگز کنٹرول کی جا سکتی ہیں۔

سیفٹی فیچرز:

جے5 میں 6 ایئر بیگز، 540 ڈگری کیمرا سسٹم (ٹرانسپیرنٹ چیسیس ویو کے ساتھ)، فرنٹ کولژن وارننگ، آٹومیٹک ایمرجنسی بریکنگ، ایڈاپٹو کروز کنٹرول، لین ڈیپارچر وارننگ اور لین کیپ اسسٹ، بلائنڈ اسپاٹ مانیٹرنگ اور ریئر کراس ٹریفک الرٹ شامل ہیں، جو ڈرائیونگ کو محفوظ اور آرام دہ بناتے ہیں۔

یہ بھی پڑھیں:ایل این جی کی قیمتوں میں 5 فیصد سے زائد کمی

قیمت اور فنانسنگ:

جیکو J5 کو پاکستان کی سب سے کم قیمت ہائبرڈ SUV کے طور پر لانچ کیا گیا ہے:

کمفرٹ ویریئنٹ: 66 لاکھ 99 ہزار روپے

پریمیم ویریئنٹ: 76 لاکھ 99 ہزار روپے

یہ تعارفی قیمتیں 10 مارچ 2026 تک مؤثر رہیں گی، فنانسنگ کی سہولت MCB Car4U (3 سال تک) اور Fleet4U (7 سال تک) کے ذریعے دستیاب ہے، جس میں ماہانہ اقساط تقریباً 1 لاکھ 6 ہزار روپے سے شروع ہوتی ہیں۔