اس وقت ایسے افراد جو ایکٹو ٹیکس پیئرز لسٹ (اے ٹی ایل) میں شامل نہیں، جو ایک دن میں 50 ہزار روپے سے زائد رقم بینک سے نکالتے ہیں، ان سے 0.6 فیصد ودہولڈنگ ٹیکس وصول کیا جاتا ہے، لیکن اب حکومت اس ٹیکس کو دگنا کر کے 1.2 فیصد کرنے پر غور کر رہی ہے، یعنی 1 لاکھ روپے نکالنے پر نان فائلر کو 1200 روپے ٹیکس دینا ہوگا

واضح رہے یہ اقدام  فنانس ایکٹ 2023 اور سیکشن 231AB کے تحت موجودہ قوانین کو مزید سخت بنانے کی کوشش میں ہے تاکہ تمام بینکنگ کمپنیاں ایسی رقم پر ٹیکس کاٹنے کی پابند بنیں۔

مزید یہ کہ اس تجویز کے تحت اب نہ صرف بینک کاؤنٹر سے نکلوانے والی رقم بلکہ اے ٹی ایم اور کریڈٹ کارڈز کے ذریعے نکلوانے والی رقم پر بھی نیا شرح ٹیکس لاگو ہوگا، بشرطیہ کہ وہ یومیہ حد سے تجاوز کرے۔

خیال رہے کہ یہ اقدام نان فائلرز کو ٹیکس نیٹ میں لانے کی کوششوں کا حصہ ہے، تاکہ ٹیکس بیس میں اضافہ ہو سکے اور قومی آمدن میں بہتری آ سکے۔