تفصیلات کے مطابق پاکستان سٹاک ایکسچینج کے 100 انڈیکس میں 368 پوائنٹس کا اضافہ ریکارڈ ہوا، جس کے بعد انڈیکس 1 لاکھ 14 ہزار 780 پوائنٹس کی سطح پر ٹریڈ کرتا نظر آیا۔ یہ اضافہ گزشتہ روز کے مندی کے بعد سرمایہ کاروں کے اعتماد کی بحالی کی علامت ہے۔
ذہن نشین رہے کہ گزشتہ روز انڈیکس میں 11 پوائنٹس کی معمولی کمی دیکھنے میں آئی تھی اور اختتام 1 لاکھ 14 ہزار 102 پوائنٹس پر ہوا تھا۔
بجٹ میں تنخواہ دار طبقے کو انکم ٹیکس میں رعایت دینے پر غور
ادھر فاریکس مارکیٹ میں بھی مثبت رجحان دیکھنے کو ملا، جہاں کاروباری دن کے آغاز پر انٹربینک میں ڈالر کی قیمت میں 12 پیسے کی کمی ریکارڈ کی گئی۔ ڈالر اس وقت 281 روپے 10 پیسے کی سطح پر ٹریڈ ہو رہا ہے، جبکہ گزشتہ روز یہ 281 روپے 22 پیسے پر بند ہوا تھا۔
ماہرینِ معیشت کا کہنا ہے کہ سٹاک مارکیٹ میں تیزی اور ڈالر کی قدر میں کمی ملکی معیشت کے استحکام کی طرف ایک مثبت اشارہ ہے۔ اگر یہی رجحان برقرار رہا تو نہ صرف سرمایہ کاری میں اضافہ ہو گا بلکہ مہنگائی پر بھی قابو پانے میں مدد ملے گی۔
