تفصیلات کے مطابق برینٹ خام تیل کی قیمت ڈھائی ماہ کی بلند ترین سطح سے بھی تجاوز کر گئی۔ عالمی منڈی میں برینٹ خام تیل کی قیمت 77 ڈالرز سے تجاوز کر گئی جبکہ ڈبلیو ٹی آئی خام تیل 74 ڈالر 45 سینٹس میں فروخت ہو رہا ہے۔

دوسری جانب وفاقی حکومت نے 5 لاکھ سے زیادہ ریٹائرڈ ملازمین کی پنشن کو فوری طور پر 3 سال کے لیے موجودہ سطح پر منجمد کر دیا، پنشن میں اضافہ اب ایڈہاک ریلیف کے طور پر پنشن کے ساتھ لگے گا۔

بجٹ میں پنشن میں ہونے والے اضافے پنشن میں ضم نہیں ہوگا اور پنشن نہیں بڑھے گی، پنشن میں اضافہ کا فیصلہ ہر تین سال بعد پنشن کمیشن کی سفارشات پر کیا جائے گا، وفاقی حکومت نے پنشن اصلاحات کے تحت پنشنرز کی موجودہ پنشن کو بیس لائن قرار دے کر تین سال کے لئے منجمد کر دیا ہے۔

وزارت خزانہ کے احکامات کے مطابق پنشنرز کی موجودہ پنشن کو بیس لائن قرار دیا گیا ہے، پنشن کمیشن ہر تین سال بعد پنشن بیس لائن میں اضافہ کی سفارشات دے گا، پنشن کمیشن کی سفارشات کی روشنی میں بیس لائن میں اضافہ کیا جائے گا۔

وزارت خزانہ کے مطابق پنشن میں سالانہ اضافہ موجودہ بیس لائن پنشن کے ساتھ الگ ایڈہاک ریلیف کے ساتھ لگے گا، پنشن بیس لائن میں اضافہ نہیں ہوگا، پنشن بیس لائن میں اضافہ تین سال بعد پنشن کمیشن کی سفارشات کی روشنی میں کیا جائے گا۔

وزارت خزانہ نے پنشنرز کی موجودہ پنشن کو بیس لائن قرار دینے کا اطلاق فوری طور پر کرنے کے احکامات جاری کر دیئے۔