ایران امریکہ جنگ اسی سال ختم ہونے جائے گی، ٹرمپ
امریکی صدر ڈونلڈ ٹرمپ نے اپنے بیان میں کہا کہ ایران معاہدہ کرنا چاہتا ہے اور اس حوالے سے مسلسل رابطے بھی کر رہا ہے، وہ ایران کے ساتھ ایسا کوئی معاہدہ نہیں کریں گے جو امریکا کے مفاد میں نہ ہو۔
ٹرمپ نے واضح کیا کہ ایران کے ساتھ مذاکرات یا معاہدے کے معاملے میں امریکا اپنے مفادات کو ترجیح دے گا، کسی بھی ممکنہ معاہدے کو قبول کرنے سے پہلے اس بات کو یقینی بنایا جائے گا کہ وہ امریکا کیلئے بہتر اور قابلِ قبول ہو۔
امریکی صدر نے خلیجی ممالک کے ایران سے ملاقات کرنے کے حوالے سے بات کرتے ہوئے کہا کہ اگر خلیجی ممالک ایران سے ملاقات کرنا چاہتے ہیں تو انہیں اس پر کوئی اعتراض نہیں، یہ ان کا اپنا فیصلہ ہے۔
ڈونلڈ ٹرمپ کا مزید کہنا تھا کہ ایران جنگ کے خاتمے کے بعد پٹرول کی قیمت میں تیزی سے کمی آئے گی، جنگ کے باعث عالمی توانائی کی منڈی پر پڑنے والے دباؤ میں کمی آنے سے ایندھن کی قیمتیں بھی نیچے آسکتی ہیں۔
یہ بھی پڑھیں:آبنائے ہرمز کنٹرول کرنا ہے تو 100 کلومیٹر اندر آکر دکھائیں، پاسداران انقلاب
واضح رہے کہ ٹرمپ کا بیان ایسے وقت میں سامنے آیا ہے جب ایران جنگ کے خاتمے، ممکنہ مذاکرات اور خطے میں کشیدگی کم کرنے سے متعلق عالمی سطح پر مختلف قیاس آرائیاں جاری ہیں۔
امریکی صدر کے تازہ بیان نے جنگ کے ممکنہ اختتام اور عالمی سطح پر پٹرول کی قیمتوں میں کمی کے حوالے سے نئی توجہ حاصل کرلی ہے۔
