ایرانی حکومت کا تختہ الٹنا اسرائیل کا مرکزی ہدف ہے:نیتن یاہو
اسرائیلی وزیراعظم نیتن یاہو نے تل ابیب میں تقریب کے دوران اسرائیلی فوج کے جنرل اسٹاف سے خطاب کیا/ فائل فوٹو
Updated 12 گھنٹے قبل | Published September, 4 2026 |
تل ابیب (ویب ڈیسک) اسرائیلی وزیراعظم نیتن یاہو نے کہا ہے کہ ایرانی حکومت گرانے کیلئے کام کر رہے ہیں، میری ہدایت پر اسرائیل کے تمام متعلقہ ادارے ایرانی حکومت کو شکست دینے کے لیے کام کر رہے ہیں، ایران کی موجودہ حکومت کا خاتمہ اب اسرائیل کا مرکزی مقصد بن چکا ہے اور یہ ہدف حاصل کرنا ناممکن نہیں ہے، اسرائیلی پائلٹس کسی بھی وقت ایران میں کارروائی کیلئے پہنچ سکتے ہیں۔
اسرائیلی وزیراعظم نیتن یاہو نے تل ابیب میں تقریب کے دوران اسرائیلی فوج کے جنرل اسٹاف سے خطاب کرتے ہوئے کہا کہ انہیں ایران سے لاحق خطرے کو ہمیشہ کے لیے ختم کرنے کی اسرائیل کی صلاحیت پر مکمل یقین ہے۔
یہ بھی پڑھیں: ایران کا کویت پر میزائل حملہ
انہوں نے دعویٰ کیا کہ ایرانی قیادت اس وقت کمزور ترین حالت میں ہے اور اپنی بقا کی جنگ لڑ رہی ہے۔
