بیجنگ کی بلند ترین عمارت سے طیارہ ٹکرا گیا
حادثے کے فوری بعد پولیس، ریسکیو ٹیموں اور دیگر متعلقہ اداروں نے موقع پر پہنچ کر امدادی کارروائیاں شروع کر دیں۔
چینی میڈیا رپورٹس کے مطابق طیارہ بیجنگ کے سب سے بلند ٹاور سے ٹکرایا، جس کے نتیجے میں اس کا ملبہ عمارت کے نیچے مختلف مقامات پر بکھر گیا۔ حادثے کے بعد حفاظتی اقدامات کے تحت عمارت کو فوری طور پر خالی کرایا گیا اور اطراف کے علاقے کو پولیس نے گھیرے میں لے لیا تاکہ امدادی کارروائیوں میں کسی قسم کی رکاوٹ نہ آئے۔
ابتدائی اطلاعات کے مطابق تاحال یہ واضح نہیں ہو سکا کہ حادثے کے وقت چھوٹے طیارے میں کتنے افراد سوار تھے یا وہ کس مقصد کیلئے پرواز کر رہا تھا۔
خبر رساں اداروں کے مطابق بیجنگ کا یہ ٹاور 108 منزلوں پر مشتمل ہے اور شہر کی بلند ترین عمارت شمار کیا جاتا ہے۔ حادثے کی وجوہات جاننے کیلئے متعلقہ اداروں نے تحقیقات کا آغاز کر دیا ہے، جبکہ تکنیکی ماہرین بھی جائے وقوعہ کا معائنہ کر رہے ہیں۔
یہ بھی پڑھیں:ناصر مدنی نے مومنہ اقبال سے معافی مانگ لی
حکام کا کہنا ہے کہ واقعے کی مکمل تحقیقات کے بعد ہی طیارے کے حادثے کی اصل وجہ اور ممکنہ نقصانات کے بارے میں حتمی معلومات جاری کی جائیں گی۔ اس دوران شہریوں سے اپیل کی گئی ہے کہ وہ افواہوں پر کان نہ دھریں اور صرف سرکاری ذرائع سے جاری ہونے والی معلومات پر اعتماد کریں۔
