پاکستان کی سفارتکاری رنگ لے آئی، ایران امریکا مذاکرات میں بڑی پیشرفت
تفصیلات کے مطابق امریکی نائب صدر جے ڈی وینس نے اپنے ایک بیان میں کہا کہ اگر ایران علاقائی عدم استحکام پیدا کرنے والی پالیسیوں اور اپنے متنازع جوہری پروگرام سے دستبردار ہو جائے تو امریکا تہران کے ساتھ نئے سرے سے تعلقات قائم کرنے کیلئے تیار ہے۔
انہوں نے کہا کہ واشنگٹن مشرق وسطیٰ میں تنازعات کے بجائے امن، ترقی اور خوشحالی کا خواہاں ہے اور سفارتی ذرائع سے دیرپا تبدیلی لانا چاہتا ہے۔
جے ڈی وینس کا کہنا تھا کہ ایران کے جوہری پروگرام کے خاتمے کے بعد اب وقت آ گیا ہے کہ مستقبل کی جانب دیکھا جائے، سوئٹزرلینڈ میں پاکستان کی ثالثی کے نتیجے میں ہونے والے مذاکرات ایک غیر معمولی پیش رفت ہیں، کیونکہ اس سے قبل ایران اور امریکا کے درمیان اس نوعیت کے اعلیٰ سطحی رابطے دیکھنے میں نہیں آئے تھے۔
امریکی نائب صدر نے مزید نے کہا کہ ڈونلڈ ٹرمپ نے ایران کے ساتھ تعلقات میں بہتری اور ایرانی عوام کے ساتھ مثبت روابط قائم کرنے کی ہدایت دی ہے، موجودہ پیش رفت خطے میں بحران کے خاتمے اور امن و ترقی کے ایک نئے دور کے آغاز کا موقع فراہم کر سکتی ہے۔
یہ بھی پڑھیں:محرم الحرام کے موقع پر مسلسل 4 چھٹیوں کا امکان
امریکی نائب صدر نے وزیراعظم شہباز شریف اور فیلڈ مارشل عاصم منیر کے کردار کو سسراہتے ہوئے کہا کہ اگر فیلڈ مارشل عاصم منیر کی حکمت عملی اور سفارتی کاوشیں نہ ہوتیں تو شاید یہ مذاکرات ممکن نہ ہو پاتے، فیلڈ مارشل نہ صرف ایک بہترین فوجی رہنما بلکہ ایک کامیاب سفارتکار بھی ثابت ہوئے ہیں۔
