محرم الحرام کے موقع پر مسلسل 4 چھٹیوں کا امکان
واضح رہے کہ 9 اور 10 محرم الحرام جو یومِ عاشور کے طور پر منائے جاتے ہیں،اس موقع پر ملک بھر میں عام تعطیل کا اعلان متوقع ہے۔ اگر یہ تعطیلات ہفتہ وار چھٹیوں کے ساتھ منسلک ہوئیں تو سرکاری ملازمین کو مجموعی طور پر چار دن آرام اور تفریح کا موقع مل سکے گا۔
ممکنہ تعطیلات کے باعث سرکاری دفاتر، تعلیمی ادارے اور متعدد نیم سرکاری ادارے بند رہیں گے، بعض عوامی خدمات بھی محدود پیمانے پر دستیاب ہوں گی۔ تاہم ہسپتالوں، ریسکیو سروسز، قانون نافذ کرنے والے اداروں اور دیگر ضروری خدمات سے وابستہ عملہ معمول کے مطابق اپنے فرائض انجام دیتا رہے گا۔
سرکاری ملازمین اور شہریوں کی جانب سے اس خبر کا خیرمقدم کیا جا رہا ہے، کئی خاندانوں نے تعطیلات کے دوران سیاحت، رشتہ داروں سے ملاقاتوں اور تفریحی سرگرمیوں کے منصوبے بنانا شروع کر دیے ہیں، طویل تعطیلات سے لوگوں کو روزمرہ مصروفیات اور ذہنی دباؤ سے وقتی نجات ملتی ہے۔
دوسری جانب محرم الحرام کے دوران ملک بھر میں مجالس اور جلوسوں کے انعقاد کیلئے خصوصی سکیورٹی انتظامات کو حتمی شکل دی جا رہی ہے۔
یہ بھی پڑھیں:ملک کے مختلف علاقوں میں مزید بارشوں کی پیشگوئی
متعلقہ اداروں کو امن و امان برقرار رکھنے، ٹریفک کی روانی یقینی بنانے اور ہنگامی صورتحال سے نمٹنے کیلئے خصوصی ہدایات جاری کر دی گئی ہیں۔
