ایران امریکہ جنگ جلد ختم ہو جائے گی؛ ڈونلڈ ٹرمپ

نیو یارک میں ایک ریلی سے خطاب کرتے ہوئے ڈونلڈ ٹرمپ نے کہا کہ خطے میں جاری کشیدگی کے باوجود ان کی حکومت ایسے اقدامات کر رہی ہے جن کا مقصد طویل المدتی استحکام کو یقینی بنانا ہے، جب تک تمام بنیادی مسائل حل نہیں ہو جاتے، کسی بھی معاہدے پر دستخط نہیں کیے جائیں گے۔

امریکی صدر نے اپنے خطاب میں یہ بھی دعویٰ کیا کہ آپریشن ایپک فیوری کے دوران ایران کی عسکری صلاحیت کو شدید نقصان پہنچایا گیا۔

ایران کی جانب سے پہلے ہی یہ مؤقف سامنے آ چکا ہے کہ مختلف سفارتی مذاکرات میں اس کے جوہری پروگرام پر بات چیت شامل نہیں ہوگی۔ خطے میں جاری کشیدگی اور سفارتی سرگرمیوں کے باعث عالمی برادری صورتحال پر گہری نظر رکھے ہوئے ہے۔

ریلی کے دوران ٹرمپ کے حامیوں نے ان کے حق میں نعرے لگائے اور سیاسی حمایت کا اظہار کیا۔ سیاسی مبصرین کے مطابق ایران سے متعلق امریکی بیانات مستقبل کی خارجہ پالیسی اور خطے کی صورتحال پر اثر انداز ہو سکتے ہیں۔

یہ بھی پڑھیں:ڈیزل کی قیمت میں بڑی کمی کا اعلان

ماہرین کا کہنا ہے کہ مشرق وسطیٰ میں جاری تناؤ عالمی توانائی منڈیوں، تیل کی قیمتوں اور بین الاقوامی سفارتی تعلقات پر اثر ڈال سکتا ہے، اس لیے آنے والے دنوں میں پیش رفت عالمی توجہ کا مرکز بنی رہے گی۔