ٹرمپ واقعی شی جن پنگ کے نوٹس پڑھ رہے تھے؟ حقیقت سامنے آگئی
جس میں دعویٰ کیا جا رہا تھا کہ امریکی صدر تقریب کے دوران شی جن پنگ کے ذاتی نوٹس یا خفیہ دستاویزات دیکھنے کی کوشش کر رہے تھے، تاہم بعد ازاں سامنے آنے والی تفصیلات نے ان دعوؤں کی حقیقت واضح کر دی ہے۔
وائرل ویڈیو میں دیکھا جا سکتا ہے کہ ایک تقریب کے دوران چینی صدر شی جن پنگ اپنی نشست سے اُٹھ کر پوڈیم کی جانب جاتے ہیں، اسی دوران ڈونلڈ ٹرمپ میز پر موجود ایک نوٹ بک یا فائل کی طرف نظر ڈالتے دکھائی دیتے ہیں۔
سوشل میڈیا صارفین نے اس لمحے کو مختلف انداز میں پیش کیا اور کئی قیاس آرائیاں سامنے آئیں۔
بعض صارفین نے دعویٰ کیا کہ امریکی صدر چینی رہنما کے نوٹس پڑھنے کی کوشش کر رہے تھے، جبکہ کچھ افراد نے اس واقعے کو سفارتی آداب کے تناظر میں بھی زیرِ بحث لایا۔
تاہم امریکی نشریاتی ادارے کی جانب سے کی گئی جانچ میں ان دعوؤں کو غلط قرار دیا گیا، رپورٹ کے مطابق ویڈیو میں نظر آنے والی فائل یا نوٹ بک پر امریکی صدارتی مہر موجود تھی، جس سے اندازہ ہوا کہ وہ ممکنہ طور پر ڈونلڈ ٹرمپ کی اپنی تقریر، بریفنگ نوٹس یا ترجمہ شدہ خطاب تھا۔
مزید یہ بھی بتایا گیا کہ تقریب کے دوران ڈونلڈ ٹرمپ اسی فائل کو اپنے ساتھ پوڈیم تک لے گئے اور خطاب کے دوران اسی مواد سے رجوع کرتے رہے۔
یہ بھی پڑھیں:فرانسیسی صدر میکرون کو ان کی بیوی نے تھپڑ کیوں مارا؟
اگرچہ وضاحت سامنے آ چکی ہے، لیکن ویڈیو اب بھی سوشل میڈیا پر موضوعِ بحث بنی ہوئی ہے، جہاں صارفین مختلف تبصرے اور تجزیے پیش کر رہے ہیں۔
