فرانسیسی صدر میکرون کو ان کی بیوی نے تھپڑ کیوں مارا؟

کتاب میں دعویٰ کیا گیا ہے کہ خاتون اول نے مئی 2025 میں ویتنام کے دارالحکومت ہنوئی کے دورے کے دوران طیارے میں صدر میکرون کو تھپڑ اس وقت مارا جب انہیں ان کے موبائل فون میں ایرانی نژاد اداکارہ گل شفتے فرحانی کے ساتھ مبینہ غیرمناسب پیغامات کے تبادلے کا علم ہوا۔

کتاب کے مطابق 48 سالہ صدر میکرون اور 42 سالہ اداکارہ گل شفتے فرحانی کے درمیان کئی ماہ تک قریبی تعلقات رہے۔

مصنفہ نے اپنی کتاب میں دعویٰ کیا ہے کہ میکرون نے ایک پیغام میں اداکارہ کو انتہائی خوبصورت قرار دیا تھا، جس پر بریجیٹ میکرون شدید دل برداشتہ ہوئیں۔

رپورٹس کے مطابق خاتون اول کی ایک قریبی دوست نے مصنفہ کو بتایا کہ بریجیٹ کو صرف پیغامات پر ہی نہیں بلکہ اس احساس پر بھی تکلیف ہوئی کہ وہ آہستہ آہستہ صدر کی زندگی سے دور کی جا رہی ہیں۔

دوسری جانب فرانسیسی صدراتی محل کے ترجمان نے ان تمام دعوؤں کو بے بنیاد قرار دیتے ہوئے کہا ہے کہ بریجیٹ میکرون اپنے شوہر کا موبائل فون چیک نہیں کرتیں۔

یہ بھی پڑھیں:امریکی طیارہ سمندر میں گرکر تباہ،مسافر معجزانہ طور پر بچ گئے

دوسری جانب ایرانی اداکارہ گل شفتے فرحانی نے بھی صدر میکرون کے ساتھ کسی بھی قسم کے تعلق یا رابطے کی سختی سے تردید کر دی ہے۔