کوسٹ گارڈ کے مطابق، کشتی کو بودروم کے علاقے کے قریب تقریباً 0300 GMT پر دیکھا گیا۔ حکام کا کہنا ہے کہ بار بار رکنے کے انتباہ کے باوجود کشتی نے آگے بڑھنے کی کوشش کی۔
بعد ازاں خراب موسم اور سمندر میں تیز لہروں کے باعث کشتی میں پانی بھرنا شروع ہو گیا جس کے نتیجے میں وہ ڈوب گئی۔ حکام کے مطابق، موسم کی خراب صورتحال اس حادثے کی ایک بڑی وجہ بنی۔
یہ بھی پڑھیں: مشرق وسطی کشیدگی: پاکستان سے مزید 52 پروازیں منسوخ
کوسٹ گارڈ کا ایک ہیلی کاپٹر اور تین کشتیاں فوری طور پر جائے وقوعہ پر بھیجی گئیں تاکہ امدادی کارروائیاں کی جا سکیں۔ اب تک 21 افراد کو سمندر سے زندہ بچا لیا گیا ہے۔
خیال رہے کہ ترکی شام، عراق اور افغانستان سمیت کئی ممالک کے لاکھوں پناہ گزینوں کی میزبانی کر رہا ہے جس کی وجہ سے یہ یورپ جانے والے مہاجرین کے لیے ایک اہم گزرگاہ ہے۔
