سوشل میڈیا پر گردش کرنے والی ویڈیو میں دیکھا جا سکتا ہے کہ شیخ ڈاکٹر علی الثنانی یمن کے صوبہ مآرب میں واقع ایک مدرسے میں قرآنِ مجید کی درس و تدریس میں مصروف ہیں۔
وہ پوری توجہ اور انہماک کے ساتھ ایک طالب علم کی تلاوت سن رہے ہوتے ہیں، ان کے ہاتھ میں قرآنِ پاک موجود ہوتا ہے کہ اچانک ان کی آنکھیں بند ہو جاتی ہیں اور وہ کرسی سے نیچے گر پڑتے ہیں۔ چند ہی لمحوں میں یہ خبر پھیل گئی کہ وہ خالقِ حقیقی سے جا ملے ہیں۔
غیر ملکی میڈیا رپورٹس کے مطابق یہ واقعہ مآرب کے علاقے رمَیلہ میں واقع نورہ مسجد میں پیش آیا، جہاں شیخ علی الثنانی حافظِ قرآن کی نگرانی اور رہنمائی کر رہے تھے۔
عینی شاہدین کا کہنا ہے کہ وہ معمول کے مطابق درس دے رہے تھے، کسی قسم کی طبی علامات ظاہر نہیں ہوئیں، تاہم اچانک طبیعت بگڑنے کے باعث وہ جانبر نہ ہو سکے۔
Sheikh Ali Al-San'ani passed away whilst he was teaching the #Quran in a mosque in Maarib, Yemen.
— زاھىد ئەختەر - Zahid Akhtar (@ZahidDOAM) December 29, 2025
The Prophet, peace and blessings be upon him, said, “The best of you are those who learn the Quran and teach it.”
Source: Ṣaḥīḥ al-Bukhārī 5027
May Allah have grant us a good… pic.twitter.com/LQ2urYhbtc
یہ بھی پڑھیں:سڈنی حملہ،بھارتی میڈیا کا پاکستان مخالف پراپیگنڈا بے نقاب
خیال رہے کہ شیخ ڈاکٹر علی محمد الثنانی کا شمار یمن کے ممتاز مذہبی اور تعلیمی شخصیات میں ہوتا تھا۔ انہوں نے دینی علوم کے ساتھ اعلیٰ تعلیمی میدان میں بھی نمایاں خدمات انجام دیں اور امتیازی نمبروں کے ساتھ پی ایچ ڈی کی ڈگری حاصل کی۔
قرآنِ مجید کی تعلیم و تربیت ان کی زندگی کا مقصد تھی اور انہوں نے اپنی پوری زندگی اسی مقدس مشن کیلئے وقف کر رکھی تھی۔
