غیر ملکی خبر ایجنسی کے مطابق آسٹریلوی پولیس کی جانب سے بتایا گیا ہے کہ بانڈی بیچ فائرنگ کے زخمی حملہ آور پر دہشتگردی سمیت 50 الزامات پر فرد جرم عائد کی گئی ہے۔

دوسری جانب سڈنی حملے میں ملوث بھارتی دہشت گرد ساجد اکرم اور اس کے بیٹے کا پاسپورٹ منظر عام پر آ گیا۔

بھارتی نژاد دہشت گرد ساجد اکرم کا پاسپورٹ بھارتی ایمبیسی نے 24فروری 2022 کو 10 سال کے لئے جاری کیا، بھارتی ایمبیسی کو پہلے دن سے حملہ آور کی بھارتی شہریت کا علم تھا، بھارتی حکام نے جان بوجھ کر حقیقت چھپائی اور اپنے میڈیا کو پاکستان پر الزام تراشی کے لیے وقت دیا۔

سڈنی حملے کے فوراًبعد بھارتی میڈیا کی جانب سے گمراہ کن پراپیگنڈا کر کے حملہ آور کو پاکستانی قرار دینے کی کوشش کی گئی، یہ گمراہ کن مذموم کوشش پاکستان کو عالمی سطح پر بدنام کرنے کے لیے تھی۔

یہ بھی پڑھیں: سڈنی حملہ، بھارتی میڈیا کا پاکستان مخالف پراپیگنڈا بے نقاب

غیر ملکی جریدے دی گارڈین کے مطابق آسٹریلیا نے 2020 میں بھی بھارتی خفیہ ایجنسی "را" کے 2 اہلکاروں کو ملک بدر کر دیا تھا،یہ اقدام ایک ایسے نیٹ ورک کے خلاف کیا گیا جسے آسٹریلوی خفیہ ادارے نے "جاسوسوں کا گٹھ جوڑ "قرار دیا تھا۔

دی گارڈین کے مطابق 2020میں آسٹریلیا سے نکالے جانے والے بھارتی ایجنٹ بھی آسٹریلیا میں مقیم بھارتی افراد کی پروفائلنگ میں ملوث تھے۔

ماہرین کے مطابق سڈنی حملے میں ملوث دونوں دہشت گرد بھارت کی خفیہ ایجنسی "را" سے منسلک ہو سکتے ہیں، واضح رہے کہ چند روز قبل دہشت گرد ساجد اکرم نے بھارتی پاسپورٹ پر فلپائن کا سفر بھی کیا تھا۔