اس فیصلے کے تحت ذاتی، خاندانی، ای-ٹورسٹ، ورک، ٹرانزٹ اور دیگر تمام ویزا رکھنے والے افراد بھی اب با آسانی عمرہ کے مناسک ادا کر سکیں گے۔

وزارت کے مطابق یہ فیصلہ خادم الحرمین الشریفین شاہ سلمان بن عبدالعزیز اور ولی عہد و وزیراعظم شہزادہ محمد بن سلمان کے وژن 2030 کے تحت کیا گیا ہے، جس کا مقصد دنیا بھر کے مسلمانوں کیلئے عمرہ کے سفر کو زیادہ آسان، پرامن اور روحانی طور پر سکون بخش بنانا ہے۔

بیان میں مزید کہا گیا کہ وزارت نے حال ہی میں نسک عمرہ پلیٹ فارم متعارف کرایا ہے، جہاں زائرین آن لائن پیکجز کا انتخاب کر کے الیکٹرانک عمرہ پرمٹ حاصل کر سکتے ہیں۔ اس پلیٹ فارم کے ذریعے زائرین اپنی سہولت کے مطابق تاریخ، وقت اور سروسز کا انتخاب کر سکیں گے، جس سے انتظامی امور میں شفافیت اور آسانی پیدا ہوگی۔

یہ بھی پڑھیں:نادرا نے شہریوں کو بڑی سہولت مفت فراہم کردی

وزارتِ حج و عمرہ نے بتایا کہ اس اقدام سے نہ صرف زائرین کی سہولت میں اضافہ ہوگا بلکہ حج و عمرہ کے شعبے میں خدمات کا معیار بھی مزید بلند ہوگا۔ دنیا بھر سے آنے والے مسلمانوں کیلئے جدید سہولیات، سلامتی اور آرام دہ ماحول فراہم کرنا سعودی حکومت کی اولین ترجیح ہے۔

اعلامیے میں کہا گیا کہ یہ فیصلہ اس عزم کی تجدید ہے کہ زائرین کو دونوں مقدس مساجد میں عبادات کیلئے بہترین انتظامات فراہم کیے جائیں تاکہ ان کا ایمان افروز سفر مزید بابرکت، آسان اور یادگار بن سکے۔