پاکستان پر دیگر ممالک کی نسبت کم شرح یعنی 19 فیصد ٹیرف عائد کیا گیا ہے، جبکہ بھارت پر 25 فیصد، اور بنگلادیش و سری لنکا پر 20 فیصد ٹیرف لاگو ہوگا۔ امریکہ کی منڈی ٹیکسٹائل اور گارمنٹس کے شعبے میں ایک بڑی منزل ہے، جہاں پاکستان، بھارت، بنگلادیش اور سری لنکا جیسے ممالک اپنی مصنوعات برآمد کرتے رہے ہیں۔

یہ بھی پڑھیں: ٹرمپ کا مودی کو جھٹکا، بھارت پر 25 فیصد ٹیرف عائد

وائٹ ہاؤس کے مطابق جنوبی افریقا پر 30 اور سوئٹزرلینڈ پر 39 فیصد، ترکیے پر 15فیصد ٹیرف عائد کیا گیا ہے جبکہ مشرق وسطیٰ میں امریکا کے انتہائی قریبی اتحادی اسرائیل پر 15 فیصد ٹیرف عائد کیا گیا ہے۔ اس کے علاوہ پالیسیوں پر اختلافات کے سبب امریکا نے کینیڈا پر ٹیرف 25 سے بڑھا کر 35 فیصد کر دیا  ہے۔

امریکا کے صدر ڈونلڈ ٹرمپ کی جانب سے جاری اعلامیہ کے مطابق جن ملکوں پر 10  فیصد ٹیرف عائد کیا گیا ہے ان میں برطانیہ، برازیل، فاکلینڈ آئی لینڈز شامل ہیں۔ جن ملکوں پر 15 فیصد ٹیرف عائد کیا گیا ہے ان میں ترکیہ، اسرائیل، افغانستان، انگولا، بولیویا، بوٹسوانا، کیمرون، چاڈ، کوسٹا ریکا، آئیوری کوسٹ، کانگو، ایکواڈور، گنی،فجی، گھانا، گیانا، آئس لینڈ، اسرائیل،جاپان، اردن، لیسوتھو، مڈغاسکر، ملاوی، ماریشس، موزمبیق، نمیبیا، نورو، نیوزی لینڈ، نایجیریا، شمالی مقدونیہ، ناروے، پاپوا نیوگنی، جنوبی کوریا، ٹرینیڈاڈ اینڈ ٹوباگو، یوگنڈا، وناوتو، وینزویلا، زیمبیا، زمبابوے شامل ہیں۔

بھارت کی طرح جن ملکوں پر 25 فیصد ٹیرف عائد کیاگیا ہے ان میں قازقستان، تیونس اور مالدوا شامل ہیں۔ امریکا کی جانب سے جن ممالک پر 30  فیصد ٹیرف عائد کیا گیا ہے ان میں الجزائر،لیبیا، بوسنیا ہرزیگوینا اور جنوبی افریقا شامل ہیں۔ اس کے علاوہ میانمار اور لاوس پر 40  فیصد جبکہ شام پر سب سے زیادہ یعنی 41 فیصد ٹیرف کے نفاذ کا اعلان کیا گیا ہے۔