اس خوف کے نتیجے میں بھارت نے اپنے 27 ایئرپورٹس پر فلائٹ آپریشن مکمل طور پر معطل کر دیا۔

بھارتی میڈیا کی جانب سے جاری کردہ رپورٹس کے مطابق مزید 16 ایئرپورٹس کو 10 مئی تک بند رکھنے کا فیصلہ کیا گیا ہے، جس کے بعد مجموعی طور پر بند ہونے والے ایئرپورٹس کی تعداد 27 ہوگئی ہے۔

رپورٹ کے مطابق بھارت کو ایئرپورٹس بند کرنے کی وجہ سے ایک ہی دن میں 430 سے زائد پروازیں منسوخ کرنی پڑیں، جس کے باعث ہزاروں مسافر شدید مشکلات کا شکار ہیں۔ متاثرہ ایئرپورٹس میں امرتسر، جموں، شملہ، بھوج، راجکوٹ، جیسلمیر، جودھپور، چندی گڑھ، پٹھان کوٹ، بھٹنڈا، دھرم شالہ، پوربندر، جام نگر، سری نگر، لیہہ تھیوس، پٹیالہ، ہلوارا، گگال اور بھونتار شامل ہیں۔

یہ طھی پڑھیں:پاکستانی فضائی حدود کی بندش سے بھارتی فضائی صنعت ڈوبنے لگی

بھارتی سول ایوی ایشن کے ذرائع کا کہنا ہے کہ مزید ایئرپورٹس جن میں کشن گڑھ، بیکانیر، گوالیار، مندرا، کنڈالا، کیشود، لدھیانہ اور ہندون شامل ہیں،ان کو بھی سکیورٹی خدشات کے باعث فوری طور پر بند کر دیا گیا ہے۔

بھارتی دفاعی حلقوں میں پاکستان کی جانب سے ممکنہ کارروائی کی اطلاعات کے بعد خوف و ہراس پھیل گیا ہے اور بھارتی ایئر فورس اور سول ایوی ایشن حکام مسلسل ہائی الرٹ پر ہیں۔ بھارتی میڈیا کے مطابق پاکستان کے فضائی حملوں کا خدشہ بھارتی انٹیلی جنس ایجنسیوں کی رپورٹوں کے بعد ظاہر کیا گیا۔

ماہرین کے مطابق اتنی بڑی تعداد میں ایئرپورٹس کی بندش سے بھارتی سول ایوی ایشن اور معیشت پر بھی شدید اثرات مرتب ہوسکتے ہیں۔ دوسری جانب پاکستان نے بھارتی خدشات کو بے بنیاد قرار دیتے ہوئے اسے بھارت کی داخلی کمزوری اور خوف سے تعبیر کیا ہے۔

واضح رہے کہ صورت حال کی سنگینی کے پیش نظر خطے میں کشیدگی مسلسل بڑھ رہی ہے، عالمی برادری صورتحال پر گہری تشویش ظاہر کر رہی ہے۔