پہلگام فالس فلیگ کے بعد پوری دنیا پر مودی کی اصلیت عیاں ہو گئی،مودی سرکار نے پہلگام جعلی حملے کا ڈرامہ رچا کر بین الاقوامی سطح پر اپنی ساکھ کو مزید کمزور کر دیا۔
ذرائع کے مطابق ملایشیا نے بھی بھارت کا جھوٹا بیانیہ مسترد کر دیا، چین کے بعد ملایشیا نے بھی پہلگام حملے پر شفاف تحقیقات کا مطالبہ کردیا، ملایشیا نے جرأت مندانہ مؤقف اختیار کرتے ہوئے مقبوضہ کشمیر کو "انڈین ایڈمنسٹرڈ کشمیر" قرار دیا۔
ذرائع کا بتانا ہے کہ بھارت ملایشیا کے غیر جانبدار مؤقف پر سیخ پا ہو گیا جبکہ گودی میڈیا اس پر شدید ردِعمل کا اظہار کررہا ہے، ملایشیا کی جانب سے کشمیر کو "انڈین ایڈمنسٹرڈ کشمیر" کہنے پر بھارتی چینل نیوز مسلسل واویلا کررہے ہیں۔
سیاسی ماہرین کا کہنا ہے کہ بھارتی میڈیا ملایشیا کو پاکستان کی حمایت کا نام دے کر اپنی خفت مٹا رہا ہے، ملایشیا کی حمایت سے پاکستان کا مؤقف عالمی سطح پر مضبوط ہو گیا ہے،چین، ملایشیا اور دیگر ممالک کی جانب سے پاکستان کی حمایت پر بھارت مزید تنہا ہو گیا ہے۔
ماہرین کے مطابق بین الاقوامی سطح پر پاکستان کی حمایت سے مودی کا جھوٹا بیانیہ زمین بوس ہو گیا، ملایشیا کے بیان سے بھارت کا پاکستان کا نام بدنام کرنے کا عالمی پروپیگنڈا ایک بار پھر ناکام ہو گیا، بین الاقوامی سطح پر پاکستان کے مؤقف کی بڑھتی حمایت نے مودی کے بیانیے کو مزید کمزور کر دیا ہے۔
