سکیورٹی ذرائع کے مطابق پہلگام فالس فلیگ آپریشن کی ایف آئی آر نے حملے کو مشکوک بنا دیا، پہلگام پولیس سٹیشن جائے وقوعہ سے 6 کلومیٹر کی دوری پر ہے۔

ذرائع نے بتایا کہ ایف آئی آر کے مطابق پہلگام حملہ 1:50سے 2:220تک جاری رہا جبکہ حیران کن طور پر صرف دس منٹ 2 بجکر 30 منٹ پر واقعہ کی ایف آئی آر درج ہو جاتی ہے، 10 منٹ کے اندر اندر ایف آئی آر درج ہونا پہلے سے بنے بنائے منصوبے کا اشارہ دیتی ہے۔

سکیورٹی ذرائع کے مطابق ایف آئی آر میں پہلے سے طے شدہ منصوبے کے تحت نامعلوم سرحد پار دہشتگرد نامزد بھی ہو جاتے ہیں،ایف آئی آر کہتی ہے کہ مبینہ دہشت گردوں کی طرف سے اندھا دھند فائرنگ کی گئی جبکہ انڈین گورنمنٹ اور میڈیا اسے ٹارگٹ کلنگ کا جھوٹا راگ الاپتا رہا۔

یہ بھی پڑھیں: پہلگام حملہ، بھارت کے فالس فلیگ آپریشنز کی شرمناک تاریخ

ذرائع کے مطابق واقعہ کے محض دس منٹ کے اندر اندر ایف آئی آر میں “بیرونی آقاؤں کی ایماء پر” جیسے الفاظ پہلے سے شامل کر دیے جاتے ہیں، ایف آئی آر کے سامنے آنے سے مودی حکومت کا پہلگام فالس فلیگ کا بھونڈا ڈرامہ بری طرح بے نقاب ہو چکا ہے۔

سکیورٹی ذرائع کا مزید کہنا ہے کہ ایف آئی آر میں جھوٹ پکڑے جانے کے بعد مودی کا پہلگام فالس فلیگ ڈرامہ صرف ایک مزاق بن چکا ہے۔