تفصیلات کے مطابق سعودی ایوان شاہی کی جانب سے جاری کردہ فرمان میں بتایا گیا کہ شہزادی وطفا بنت محمد آل عبد الرحمن آل سعود کا انتقال جمعرات کو ہوا۔

سعودی پریس ایجنسی کی رپورٹ کے مطابق شہزادی کا انتقال ایک افسوسناک واقعہ ہے جس پر سعودی عوام غمگین ہیں۔ متوفیہ کی نماز جنازہ ریاض کی جامع امام ترکی بن عبداللہ میں ادا کی گئی، جہاں قریبی افراد اور اعلیٰ حکام نے شرکت کی۔

واضح رہے کہ نماز جنازہ اسی روز عصر کے بعد ادا کی گئی۔ سعودی عوام کی جانب سے شہزادی وطفا کے انتقال پر گہرے دکھ کا اظہار کیا جارہا ہے۔شہزادی وطفا سعودی شاہی خاندان کے اہم رکن تھیں، ان کا انتقال سعودی عرب میں ایک بڑے سانحے کے طور پر دیکھا جا رہا ہے۔

دوسری جانب اس خبر کے بعد سعودی عوام اور حکومتی حلقوں میں سوگ کی لہر دوڑ گئی ہے، اور شہزادی کے اہل خانہ کے ساتھ تعزیت کی جا رہی ہے۔دیگر شاہی خاندانوں کی جانب سے بھی شہزادی وطفا کے اہل خانہ کیلئے دعائیں اور تسلی کا پیغام بھی ارسال کیا گیا ہے۔