تفصیلات کے مطابق اسرائیلی فوج کی جانب سے یہ دعویٰ جارہا ہے کہ ایران نے اسرائیل پر بیلسٹک میزائل داغ دیے ہیں،ایران سے اسرائیل کی جانب کم از کم 400 میزائل فائر کیے گئے ہیں جس کے بعد مقبوضہ بیت المقدس میں سائرن بجنے لگے ہیں۔

تاحال ایران کی جانب سے ابھی حملے کی تصدیق نہیں کی گئی۔

خبرایجبسی کے مطابق  اسرائیل میں پیشگی سائرن بجا دیے گئے ہیں، شہریوں کو محفوظ مقامات پر منتقل کرنے کا اعلان کر دیا گیا اوراسرائیلی جنگی کابینہ کا ہنگامی اجلاس بھی طلب کر لیا گیا ہے۔

دوسری جانب موجودہ صورتحال کے تناظر میں امریکی صدر نے بھی ہنگامی طورپر قومی سلامتی کمیٹی کی میٹنگ بلا لی ہے۔

واضح رہے کہ اس واقعے کے بعد مشرق وسطیٰ میں پہلے سے موجود کشیدہ صورتحال مزید بگڑ سکتی ہے،جس سے خطے میں مزید بحران جنم لے سکتا ہے۔