آئی فون 18 سیریز کے صارفین کیلئے اہم خبر

رپورٹس کے مطابق ایپل نے کیریئر اپ ڈیٹ ورژن 72.0.3 جاری کیا ہے، جو iOS 27.2 بیٹا استعمال کرنے والے اے ٹی اینڈ ٹی صارفین کے لیے پیش کی گئی ہے۔

متاثرہ صارفین کو فون کالز، ٹیکسٹ میسجز اور موبائل ڈیٹا استعمال کرنے میں مشکلات کا سامنا کرنا پڑا، جبکہ بعض آئی فونز کی اسٹیٹس بار پر معمول کے نیٹ ورک سگنلز کی جگہ SOS ظاہر ہونے لگا۔

یہ بھی پڑھیں: آئی فون 20 پرو کا ڈیزائن لیک، بڑی تبدیلیوں کا امکان

اس سے قبل ایپل نے iOS 27.0 استعمال کرنے والے ڈیوائسز کے لیے کیریئر اپ ڈیٹ 72.1 جاری کی تھی، تاہم iOS 27.2 بیٹا پر چلنے والے آئی فونز پر ورژن 72.0.2 موجود تھا۔

رپورٹ کے مطابق جن فونز میں نیٹ ورک سروس مکمل طور پر بند ہوگئی تھی، ان کے بعض صارفین کو ہارڈویئر تبدیل کرانے کی ضرورت بھی پیش آئی۔

مزید بتایا گیا ہے کہ یہ مسئلہ بظاہر امریکی مارکیٹ میں آئی فون 18 پرو میکس تک محدود ہے، جبکہ آئی فون 18 پرو اس سے متاثر نہیں ہوا۔ رپورٹ میں اس فرق کو دونوں ماڈلز میں استعمال ہونے والے مختلف موڈمز سے جوڑا گیا ہے۔