7 جولائی کو گوگل پر پوری دنیا کیا سرچ کر رہی تھی؟ جانیے
گوگل کے مطابق 7 جولائی کو ہونے والے ایک میچ کے دوران دنیا بھر میں اتنی زیادہ سرچز کی گئیں کہ کمپنی کی تاریخ کا سب سے زیادہ ٹریفک والا دن ریکارڈ ہو گیا۔
یہ تاریخی لمحہ ارجنٹینا اور مصر کے درمیان ورلڈ کپ راؤنڈ آف 16 کے میچ کے دوران آیا، جب ارجنٹینا نے فیصلہ کن گول کر کے میچ کا رخ تبدیل کیا۔ اس گول کے فوراً بعد دنیا بھر کے فٹبال مداحوں نے انٹرنیٹ کا رخ کیا اور گوگل پر معلومات تلاش کرنے لگے۔
گوگل کے نالج اینڈ انفارمیشن شعبے کے سربراہ نک فوک کے مطابق 7 جولائی (پاکستانی وقت کے مطابق 8 جولائی) کو ہونے والے اس مقابلے کے دوران گزشتہ 28 سال کی تاریخ میں سب سے زیادہ سرچ ٹریفک ریکارڈ کیا گیا۔
گوگل ترجمان نے اگرچہ سرچز کے درست اعداد و شمار جاری نہیں کیے، تاہم بتایا گیا کہ ارجنٹینا کے فیصلہ کن گول کے بعد فی سیکنڈ ریکارڈ تعداد میں سرچز کی گئیں۔ اس وقت صورتحال ایسی تھی جیسے دنیا بھر کے لوگ ایک ہی وقت میں ایک ہی چیز کے بارے میں معلومات حاصل کرنے کی کوشش کر رہے ہوں۔
یہ بھی پڑھیں:خام تیل کی قیمتوں میں مزید اضافہ
فٹبال ورلڈ کپ 2026 کا اختتام بھی ڈرامائی انداز میں ہوا، جہاں اسپین نے فائنل میں دفاعی چیمپئن ارجنٹینا کو ایک صفر سے شکست دے کر عالمی اعزاز اپنے نام کیا۔ اس کامیابی کے ساتھ اسپین نے 16 سال بعد دوسری مرتبہ فیفا ورلڈ کپ ٹرافی جیتنے کا اعزاز حاصل کیا۔
