یہ فیچر صارفین کو جنریٹیو آرٹیفیشل انٹیلی جنس (اے آئی) کے ذریعے براہِ راست بات چیت کرتے ہوئے رہنمائی حاصل کرنے کی سہولت فراہم کرتا ہے۔
گوگل کے مطابق اب صارفین میپس پر ٹائپ کرنے کی بجائے سوالات پوچھ سکتے ہیں اور چیٹ بوٹ کی طرح جوابات حاصل کر سکتے ہیں۔ یہ فیچر ڈرائیونگ یا پیدل چلنے کے دوران راستوں کی مکمل رہنمائی فراہم کرے گا اور بتائے گا کہ کس راستے کا انتخاب سب سے بہتر ہے۔
صارفین جب آسک میپس بٹن پر کلک کریں گے تو انہیں ایک چیٹ بوٹ جیسا تجربہ حاصل ہوگا اور وہ کسی بھی جگہ یا مقام کے بارے میں تفصیلی سوالات پوچھ سکتے ہیں۔
مثال کے طور پر اگر کوئی صارف پوچھے کہ فون بیٹری ختم ہونے والی ہے اور اسے کہاں چارج کیا جا سکتا ہے، تو گوگل میپس کسی قریبی لائبریری یا کیفے کا نام فراہم کرے گا۔
اس کے علاوہ جیمنائی چیٹ بوٹ ٹیکسٹ اور آڈیو جوابات بھی فراہم کرے گا، اور روزمرہ کے سفری راستوں یا مخصوص مقامات کے بارے میں معلومات فراہم کرے گا۔
یہ بھی پڑھیں:پیٹرولیم مصنوعات کی قیمتوں میں رد و بدل کا اعلان
آسک میپس صارفین کی ماضی کی ترجیحات کو مدنظر رکھ کر سفارشات بھی فراہم کرے گا اور دنیا یا مطلوبہ مقام کے بارے میں تازہ ترین تفصیلات فراہم کرے گا۔ صارفین ریویوز دیکھ کر بہتر فیصلہ کر سکیں گے اور اپنی سفری منصوبہ بندی آسانی سے کر سکیں گے۔
گوگل کے مطابق یہ فیچر فی الحال امریکہ اور بھارت میں موبائل صارفین کیلئے متعارف کرایا گیا ہے، جبکہ دیگر ممالک میں آنے والے مہینوں میں اسے دستیاب کرایا جائے گا۔
