کمپنی کی جانب سے Au99.99 Gold کے نام سے پیش کی گئی محدود ایڈیشن سیریز میں آئی فون کورز 10 گرام سے لے کر 100 گرام تک مختلف وزن میں دستیاب ہیں۔

100 گرام خالص سونے سے تیار کردہ کور کی قیمت 139,999 یوان (تقریباً 20 ہزار امریکی ڈالر) مقرر کی گئی ہے، اسی مہنگے ورژن کی خریداری پر چصارف کو آئی فون 17 میکس بطور تحفہ دیا جا رہا ہے۔

رپورٹس کے مطابق کم وزن والے چند کورز فروخت ہو چکے ہیں جبکہ 10 اور 30 گرام کے ماڈلز کی تصاویر سوشل میڈیا پر وائرل ہو رہی ہیں، تاہم کمپنی نے یہ واضح نہیں کیا کہ آیا سب سے مہنگا 100 گرام والا کور فروخت ہوا ہے یا نہیں۔

یہ بھی پڑھیں:اے آئی چیٹ بوٹس سے طبی رہنمائی صحت کیلئے خطرناک قرار

ٹیک ماہرین کا کہنا ہے کہ سونے کی موٹی تہہ بعض اوقات وائرلیس چارجنگ کے عمل میں رکاوٹ ڈال سکتی ہے اور فون کے زیادہ گرم ہونے کا سبب بھی بن سکتی ہے۔ اس کے باوجود لگژری مصنوعات کے شوقین افراد اس منفرد پیشکش میں گہری دلچسپی لے رہے ہیں۔