پی ٹی اے نے موبائل صارفین کیلئے ٹول فری نمبرز پر کال مفت کردی
فائل فوٹو
February, 10 2026
اسلام آباد: (سنو نیوز) پاکستان ٹیلی کمیونی کیشن اتھارٹی (پی ٹی اے ) نے صارفین کی سہولت کیلئے ٹول فری نمبرز (0800) پر کالز مکمل طور پر مفت کر دیں۔
پی ٹی اے حکام کے مطابق اب موبائل فون سے 0800ٹول فری نمبرز پر کال کرنے پر کوئی چارج نہیں ہو گا، اس سے قبل موبائل صارفین کو ٹول فری نمبرز پر کال کے چارجز ادا کرنا پڑتے تھے جبکہ فکسڈ لائن صارفین کیلئے ٹول فری نمبرز پہلے ہی مفت تھے۔
حکام کے مطابق صارفین کے تحفظ اور سہولت کے لیے پی ٹی اے نے معاملے کا نوٹس لیا تھا، پی ٹی اے نے ٹیلی کام کمپنیوں، پی ٹی سی ایل، این ٹی سی اور سیلولر آپریٹرز سے بھی مشاورت کی، تمام اسٹیک ہولڈرز کے اتفاق رائے سے ٹول فری کالز کو بالکل مفت بنانے کا فیصلہ کیا گیا۔
یہ بھی پڑھیں: 7 دن تک چارجنگ کے بغیر چلنے والا موبائل تیار
پاکستان ٹیلی کمیونی کیشن اتھارٹی (پی ٹی اے ) نے صارف دوست اور مساوی ٹیلی کام سہولیات کے فروغ کے عزم کا بھی اعادہ کیا ہے۔
