گوگل کی جانب سے جاری بیان کے مطابق یہ نیا فیچر جیمنائی اے آئی پر مبنی ہے جسے پہلی بار نومبر 2025 میں متعارف کرایا گیا تھا، ابتداء میں یہ سہولت صرف گاڑی چلانے والوں کیلئے فراہم کی گئی تھی تاکہ ڈرائیونگ کے دوران بغیر ہاتھ استعمال کیے نیوی گیشن ممکن ہو سکے۔

اب گوگل نے اس فیچر کو مزید بہتر بنا کر پیدل چلنے والوں اور سائیکل سواروں کے لیے بھی دستیاب کر دیا ہے جس سے ہر قسم کے سفر میں صارفین کو فوری اور آسان رہنمائی مل سکے گی، یہ بات چیت پر مبنی اسسٹنٹ راستوں، مقامات اور سفر سے متعلق سوالات کے جواب بھی فراہم کرے گا۔

یہ بھی پڑھیں: پاکستان اسٹاک مارکیٹ میں زبردست تیزی

گوگل کے مطابق جیمنائی فار میپس کو مرحلہ وار دنیا بھر میں متعارف کرایا جا رہا ہے جہاں جیمنائی اے آئی ماڈل دستیاب ہو گا وہاں صارفین اس سہولت سے فائدہ اٹھا سکیں گے۔

کمپنی نے واضح کیا ہے کہ یہ نیا فیچر ویب ورژن پر دستیاب نہیں ہوگا بلکہ صرف اینڈرائیڈ اور آئی او ایس موبائل ڈیوائسز پر استعمال کیا جا سکے گا تاکہ صارفین کو بہتر اور ہموار نیوی گیشن کا تجربہ فراہم کیا جا سکے۔