اس پروگرام کے ذریعے نوجوان جدید ہنر سیکھ کر عالمی سطح پر تسلیم شدہ پروفیشنل سرٹیفکیٹس حاصل کر سکیں گے۔
اس اقدام کا مقصد نوجوانوں کو ڈیجیٹل معیشت کے تقاضوں سے ہم آہنگ بنانا اور انہیں بہتر روزگار کے مواقع فراہم کرنا ہے۔
اسکالرشپ کے تحت کامیاب امیدواروں کو آئی ٹی سپورٹ، ڈیٹا اینالیٹکس، پروجیکٹ مینجمنٹ، ڈیجیٹل مارکیٹنگ، سائبر سیکیورٹی اور یو ایکس ڈیزائن جیسے ہائی ڈیمانڈ شعبوں میں بالکل مفت تربیت دی جائے گی۔
گوگل انتظامیہ کے مطابق یہ کورسز 6 ماہ کے اندر مکمل کیے جا سکتے ہیں، جس کے بعد کامیاب امیدواروں کو کمپنی کی جانب سے سرٹیفکیٹ بھی جاری کیا جائے گا۔ دلچسپ بات یہ ہے کہ اس پروگرام کیلئے کسی قسم کا سابقہ تجربہ یا ڈگری لازمی قرار نہیں دی گئی۔ صرف سیکھنے کا جذبہ اور کورس مکمل کرنے کا عزم ہونا ضروری ہے۔
یہ بھی پڑھیں:تعلیمی اداروں میں منشیات کی روک تھام کیلئے نئی پولیس فورس قائم
یہ تمام کورسز آن لائن پلیٹ فارم کورسیرا (Coursera) کے ذریعے فراہم کیے جائیں گے۔
خیال رہے کہ درخواست دینے کیلئے کسی مخصوص آخری تاریخ کا اعلان نہیں کیا گیا، تاہم نوجوانوں کو جلد از جلد رجوع کرنے کا مشورہ دیا گیا ہے تاکہ وہ اس موقع سے بھرپور فائدہ اٹھا سکیں۔
مزید معلومات اور درخواست کیلئے گوگل کی آفیشل ویب سائٹ وزٹ کی جا سکتی ہے۔
