یہ ایپس نہ صرف مختلف زبانوں کو سیکھنے کیلئے کارآمد ہیں،بلکہ ان میں مختلف فیچرز شامل ہوتے ہیں جیسے گرامر کی وضاحتیں،الفاظ کی مشق، تلفظ کی درستگی اور ثقافتی معلومات وغیرہ۔

 یہاں چند بہترین ایپس کا ذکر کیا جا رہا ہے جو زبان سیکھنے کے عمل کو دلچسپ اور مؤثر بناتی ہیں۔

Duolingo

یہ ایپ دنیا بھر میں زبان سیکھنے کیلئے سب سے مشہور اور مفت ایپلی کیشنز میں سے ایک ہے۔ یہ ایپ گیم کی شکل میں زبان سکھاتی ہے جس میں آپ کو مختلف سطحوں پر چیلنجز دیے جاتے ہیں اور آپ اپنی کارکردگی کو بہتر بنانے کیلئے پوائنٹس حاصل کرتے ہیں۔

خصوصیات:

اس ایپ میں 30 سے زائد زبانیں سیکھنے کیلئے دستیاب ہے۔گیم کی شکل میں سیکھنے کا موقع ملتا ہے۔سننے،بولنے،پڑھنے اور لکھنے کی مہارتوں پر توجہ دلائی جاتی ہے۔ہر سطح پر الفاظ اور جملوں کی مشق کرائی جاتی ہے۔

زبانیں: اسپینش، فرانسیسی، جرمن، چینی، جاپانی، عربی، اور دیگر۔

Memrise

یہ ایک اور مقبول ایپ ہے جو زبان سیکھنے میں مدد دیتی ہے۔اس میں زیادہ توجہ الفاظ کی یادداشت اور زبان کو یاد رکھنے پر دی جاتی ہے۔یہ ایپ آپ کو نہ صرف زبان سکھاتی ہے بلکہ زبان بولنے والے مقامی لوگوں کی مدد سے آپ کو ثقافت اور روزمرہ کی زندگی کے متعلق بھی معلومات فراہم کرتی ہے۔

خصوصیات:

مقامی بولنے والوں کے ویڈیوز اور تلفظ کی درستگی،الفاظ اور جملوں کی یادداشت کی مشقآسان انٹرفیس اور گیم کی شکل میں چیلنجز وغیرہ۔

زبانیں: اسپینش، فرانسیسی، چینی، جاپانی، کورین، اور دیگر۔

Babbel

یہ ایپ زبان سیکھنے کیلئے ایک اعلیٰ معیار کی ایپ ہے جسے خاص طور پر ابتدائی اور درمیانی درجے کے سیکھنے والوں کیلئے ڈیزائن کیا گیا ہے۔ یہ ایپ مختلف زبانوں کی گرامر اور جملوں کی ساخت پر بھی گہری نظر رکھتی ہے۔

خصوصیات:

گرامر اور روزمرہ کے جملوں  اور صوتی تلفظ کے ساتھ صحیح بولنے کی مشق،مختصر اور روزمرہ کی بات چیت کے اسباق وغیرہ۔

زبانیں: اسپینش، جرمن، فرانسیسی، اطالوی، پرتگالی وغیرہ ۔

Rosetta Stone

یہ ایپ  زبان سیکھنے کیلئے دنیا کی قدیم ترین اور بہترین ایپس میں سے ایک ہے۔ یہ ایپ زبان کو قدرتی انداز میں سیکھانے پر زور دیتی ہے،جس میں آپ بغیر ترجمے کے تصویریں اور جملے سے زبان سیکھتے ہیں۔

خصوصیات:

تصویریں اور آوازوں کے ذریعے سیکھنے کا طریقہ،تلفظ کی درستگی کیلئے اسپیکنگ مشق وغیرہ

زبانیں: 20 سے زائد زبانیں بشمول اسپینش،فرانسیسی، چینی، عربی وغیرہ۔

Busuu

یہ ایک ایسی ایپ ہے جو نہ صرف زبان سکھاتی ہے بلکہ آپ کو سیکھنے کے دوران مقامی بولنے والوں کے ساتھ بات چیت کا موقع بھی دیتی ہے۔ یہ ایپ خاص طور پر گرامر اور الفاظ کی مشق کیلئے بہترین ہے۔

خصوصیات:

مشق کرنے کیلئے مختلف اسباق،گرامر کی تفصیل اور اس کی درستگی اور مقامی بولنے والوں کے ساتھ بات چیت کی سہولت۔

زبانیں:اسپینش، جرمن، فرانسیسی، اطالوی، چینی اور دیگر زبانیں۔

Pimsleur

یہ ایک آڈیو بیسڈ ایپ ہے جس میں سننے اور بولنے پر خاص زور دیا جاتا ہے۔ اس ایپ کا طریقہ کار زیادہ تر سننے اور فوری جواب دینے پر مبنی ہے، جو کہ ان لوگوں کیلئے بہترین ہے جو زبان کو سن کر سیکھنا چاہتے ہیں۔

خصوصیات:

آڈیو اسباق،بولنے اور سننے کی مہارت پر زور،مختصر اور سادہ جملوں کی مشق وغیرہ۔

زبانیں: اسپینش، فرانسیسی، جرمن، چینی، جاپانی اور دیگر۔

HelloTalk

یہ ایک منفرد ایپ ہے جو آپ کو زبان سیکھنے کیلئے مقامی بولنے والوں کے ساتھ بات چیت کرنے کا موقع فراہم کرتی ہے۔ اس ایپ کے ذریعے آپ دنیا بھر میں موجود لوگوں کے ساتھ  بات چیت کر سکتے ہیں اور ان سے زبان سیکھ سکتے ہیں۔

خصوصیات:

دنیا بھر میں زبان بولنے والوں کے ساتھ بات چیت،آڈیو، ویڈیو، تحریری چیٹ کا آپشن اور  مقامی بولنے والوں سے تلفظ کی درستگی کی مشق وغیرہ۔

زبانیں: اسپینش، جرمن، فرانسیسی، چینی، جاپانی اور دیگر۔

Tandem

یہ  ایک اور ایپ ہے جو مقامی بولنے والوں کے ساتھ زبان سیکھنے میں مدد دیتی ہے۔ آپ اس ایپ کے ذریعے مقامی لوگوں سے بات چیت کر سکتے ہیں اور زبان کو بہتر طریقے سے سیکھ سکتے ہیں۔

خصوصیات:

مقامی بولنے والوں کے ساتھ  بات چیت،مختلف زبانوں میں ماہر اساتذہ کی مدد،گرامر اور تلفظ کی مشق وغیرہ۔

زبانیں: 150 سے زائد زبانیں بشمول اسپینش، جرمن، عربی اور دیگر۔

خیال رہے کہ یہ ایپس زبان سیکھنے کے عمل کو آسان اور دلچسپ بناتی ہیں۔آپ اپنے موبائل فون کے ذریعے کسی بھی زبان کو سیکھ سکتے ہیں، چاہے وہ آپ کے روزمرہ کے کاموں کیلئے ہو یا کسی نئے ملک کے سفر کیلئے،ان ایپس کے ذریعے آپ اپنی ضرورت اور رفتار کے مطابق مختلف زبانوں کو سیکھنے کا تجربہ کر سکتے ہیں۔