وائرلیس ایئربڈز کی بڑھتی ہوئی مقبولیت کی وجہ سے مختلف برانڈز نے صارفین کیلئے کئی آپشنز متعارف کروائے ہیں،جو ہر قیمت میں دستیاب ہیں۔

پاکستانی مارکیٹ میں 10,000 روپے سے کم قیمت میں بھی کچھ بہترین وائرلیس ایئربڈز دستیاب ہیں جو نہ صرف بہترین آواز فراہم کرتے ہیں بلکہ آرام دہ اور پائیدار بھی ہیں۔آج ہم پاکستان میں دستیاب 10,000 روپے سے کم قیمت میں بہترین 5 وائرلیس ایئربڈز آپ سے متعارف کرائیں گے۔

Realme Buds Air 2 Neo

قیمت:تقریباً 8,500 روپے

بیٹری لائف: 28 گھنٹے

چارجنگ: USB-C فاسٹ چارجنگ

نوائس کینسلیشن:Active Noise Cancellation (ANC)

واٹر ریزسٹینس:IPX5

خصوصیات :

یہ ایک شاندار آپشن ہے جو 10 ہزار روپے سے کم قیمت میں مارکیٹ میں دستیاب ہے۔یہ ایئربڈز Active Noise Cancellation (ANC) جیسی خصوصیات کے ساتھ آتے ہیں، جو اس قیمت کی رینج میں کم ہی دیکھنے کو ملتی ہیں۔ یہ ایئربڈز 28 گھنٹے تک کی بیٹری لائف فراہم کرتے ہیں، جس میں کیس کے ساتھ فاسٹ چارجنگ کا بھی آپشن موجود ہے۔اس کے علاوہ IPX5 واٹر ریزسٹینس کی خصوصیت انہیں ورزش کے دوران پسینے یا ہلکی بارش میں استعمال کرنے کے قابل بناتی ہے۔

SoundPeats TrueAir 2

قیمت: تقریباً 7,500 روپے

بیٹری لائف:25 گھنٹے

چارجنگ: USB-C

کنکٹیویٹی:Bluetooth 5.2

آڈیو کوالٹی:Qualcomm aptX

خصوصیات:

یہ ان صارفین کیلئے بہترین ہیں جو کم قیمت میں بہترین آڈیو کوالٹی چاہتے ہیں۔ یہ ایئربڈز Qualcomm aptX کوڈک کی مدد سے ہائی فائی ساؤنڈ فراہم کرتے ہیں اور Bluetooth 5.2 کی جدید ٹیکنالوجی کی بدولت مستحکم کنکشن فراہم کرتے ہیں۔ 25 گھنٹے کی بیٹری لائف اور کیس کے ساتھ USB-C چارجنگ یہ بھی ایک شاندار آپشن بناتے ہیں۔

QCY T13

قیمت: تقریباً 6,000 روپے

بیٹری لائف: 40 گھنٹے

چارجنگ: USB-C

کنکٹیویٹی: Bluetooth 5.1

آڈیو کوالٹی: Environmental Noise Cancellation (ENC)

خصوصیات:

یہ ایک اقتصادی اور پرفارمنس میں بہترین وائرلیس ایئربڈز ہیں جو دس ہزار روپے سے کم میں مل سکتے ہیں۔ان ایئربڈز کی سب سے بڑی خصوصیت ان کی بیٹری لائف ہے جو کہ کیس کے ساتھ 40 گھنٹے تک چل سکتی ہے۔ ان میں Environmental Noise Cancellation (ENC) کی خصوصیت بھی موجود ہے جو کالز کے دوران باہر کے شور کو کم کرتی ہے، جس سے بات چیت زیادہ صاف اور واضح ہو جاتی ہے۔

Audionic Airbuds 2

قیمت: تقریباً 3500روپے

بیٹری لائف: 20 گھنٹے

چارجنگ: Micro-USB

کنکٹیویٹی: Bluetooth 5.0

آڈیو کوالٹی: Deep Bass

خصوصیات:

یہ ایک بہترین پاکستانی برانڈ ہے جس نے مقامی مارکیٹ میں سستی اور معیاری آڈیو پروڈکٹس کی فراہمی میں اپنا نام بنایا ہے۔یہ بہترین بیس اور صوتی معیار کے ساتھ آتے ہیں،جسے خاص طور پر موسیقی سننے والے طلباء اور نوجوانوں کیلئے تیار کیا گیا ہے۔ 20 گھنٹے کی بیٹری لائف اور آسانی سے فٹ ہونے والا ڈیزائن انہیں روزمرہ کے استعمال کیلئے موزوں بناتا ہے۔

Baseus Encok W04 Pro

قیمت: تقریباً 8000 روپے

بیٹری لائف: 22 گھنٹے

چارجنگ: USB-C

کنکٹیویٹی: Bluetooth 5.0

واٹر ریزسٹینس: IP54

خصوصیات:

یہ ان لوگوں کیلئے بہترین انتخاب ہے جو بجٹ میں جدید خصوصیات کے ساتھ وائرلیس ایئربڈز چاہتے ہیں۔یہ ایئربڈز نہ صرف USB-C  فاسٹ چارجنگ کی سہولت فراہم کرتے ہیں بلکہ وائرلیس چارجنگ سپورٹ بھی دیتے ہیں جو کہ ایک نایاب خصوصیت ہے۔ اس کے علاوہIP54  واٹر اور ڈسٹ ریزسٹینس انہیں روزمرہ کے استعمال اور آؤٹ ڈور ایکٹیویٹیز کیلئے بھی موزوں بناتا ہے۔

خیال رہے کہ 10 ہزارروپے کی قیمت میں وائرلیس ایئربڈز خریدنے کے دوران یہ ضروری ہے کہ آپ اپنی ترجیحات اور ضروریات کو بھی مدنظر رکھیں۔

آپ کی ضروریات اور بجٹ کے مطابق ان میں سے کوئی بھی وائرلیس ایئربڈز آپ کیلئے موزوں ہو سکتا ہے جو کہ آپ کو بہترین آڈیو تجربہ اور سہولت فراہم کرے گا۔