ابھیشیک شرما نے ٹی 20 میں تیز ترین سنچری کا ریکارڈ اپنے نام کر لیا
نئی دہلی کے ارون جیٹلی اسٹیڈیم میں افغانستان کیخلاف تیسرے ٹی ٹوئنٹی میچ میں بھارت نے ٹاس جیت کر پہلے بیٹنگ کا فیصلہ کیا، جس کے بعد ابھیشیک شرما نے اننگز کا آغاز کرتے ہی افغان بولرز پر حملہ کردیا۔
ابھیشیک شرما نے میدان کے چاروں جانب دلکش اسٹروکس کھیلتے ہوئے صرف 30 گیندوں پر سنچری مکمل کی اور بھارتی شائقین کو شاندار کرکٹ دیکھنے کا موقع فراہم کیا، ان کی جارحانہ بیٹنگ کے سامنے افغانستان کے بولرز بے بس دکھائی دیے۔
بھارتی اوپنر نے مجموعی طور پر 34 گیندوں پر 108 رنز کی دھواں دار اننگز کھیلی، جس میں 11 چھکے اور 9 چوکے شامل تھے۔ ان کی اننگز نے بھارت کو بڑے اسکور کی جانب گامزن کرنے میں اہم کردار ادا کیا۔
ابھیشیک شرما کی اس سنچری کے ساتھ ہی ٹی ٹوئنٹی انٹرنیشنل میں بھارت کی جانب سے تیز ترین سنچری کا نیا ریکارڈ بھی قائم ہوگیا۔
اس سے قبل زمبابوے کے سکندر رضا اور نیوزی لینڈ کے فن ایلن نے ٹی ٹوئنٹی انٹرنیشنل میں 33، 33 گیندوں پر سنچری مکمل کی تھی، تاہم ابھیشیک شرما نے صرف 30 گیندوں پر سنچری بنا کر دونوں کا ریکارڈ پیچھے چھوڑ دیا۔
یہ بھی پڑھیں:لاہور ہائیکورٹ: کرکٹر محمد رضوان کی درخواست مسترد
ابھیشیک شرما کی برق رفتار اننگز کو بھارتی کرکٹ کی حالیہ یادگار ٹی ٹوئنٹی اننگز میں شمار کیا جا رہا ہے۔
