پاکستان کا بھارت میں ایشین ہاکی چیمپئنز ٹرافی کھیلنے سے انکار
فیصلہ موجودہ سیکیورٹی صورت حال کو مدنظر رکھتے ہوئے کیا گیا/فائل فوٹو
Updated 22 گھنٹے قبل | Published September, 16 2026 |
اسلام آباد(ویب ڈیسک)صدر پاکستان ہاکی فیڈریشن محی الدین وانی کے مطابق ایشین ہاکی فیڈریشن سے میچز نیوٹرل مقام پر منتقل کرنے کی درخواست کی گئی ہے۔
انہوں نے کہا کہ فیصلہ موجودہ سیکیورٹی صورت حال کو مدنظر رکھتے ہوئے کیا گیا ہے، پاکستان اپنے کھلاڑیوں کے لیے محفوظ اور سازگار ماحول چاہتا ہے۔
محی الدین وانی نے کہا کہ پاکستان بھارت سمیت تمام ممالک کے خلاف کھیلنے کے لیے تیار ہے اور کھیل کو سیاست سے پاک رکھنے کے اصول پر قائم ہے۔
یہ بھی پڑھیں: اولمپیاڈ سمرقند 2026: پاکستان کا اسرائیل کے خلاف شطرنج میچ کا بائیکاٹ
صدر پی ایچ ایف نے امید ظاہر کی کہ ایشین ہاکی فیڈریشن پاکستان کی تجویز پر مثبت فیصلہ کرے گی۔
ایشین ہاکی چیمپئنز ٹرافی 27 اکتوبر سے بھارت میں شیڈول ہے۔
