پی سی بی: غیر منظور شدہ لیگ میں شرکت پر سابق کرکٹرز کے خلاف بڑے ایکشن کا اعلان
پی سی بی کے مطابق مذکورہ لیگ کو نہ انٹرنیشنل کرکٹ کونسل (آئی سی سی) اور نہ ہی زیمبیا کرکٹ یونین کی منظوری حاصل ہے، اس لیے این او سی کے بغیر اس ایونٹ میں شرکت قوانین کی خلاف ورزی تصور ہوگی۔
بورڈ کا کہنا ہے کہ غیر منظور شدہ لیگ میں حصہ لینے والے سابق کرکٹرز کو آئندہ دو سال تک کسی بھی غیر ملکی ایونٹ کیلئے این او سی جاری نہیں کیا جائے گا۔
پی سی بی نے مزید واضح کیا کہ ایسے افراد 2 برس تک پی سی بی اور پاکستان سپر لیگ (پی ایس ایل) میں کوچنگ، مینٹورنگ یا دیگر سرکاری زمہ داریاں بھی انجام نہیں دے سکیں گے۔
یہ بھی پڑھیں: کرسٹیانو رونالڈو اور جارجینا کی شادی، تاریخ سامنے آگئی
بورڈ نے موجودہ اور سابق کرکٹرز کو ہدایت کی ہے کہ بیرون ملک کسی بھی کرکٹ ایونٹ میں شرکت سے پہلے لازمی طور پر پی سی بی سے این او سی حاصل کریں، بصورت دیگر ضابطے کے مطابق کاروائی عمل میں لائی جائے گی۔
