ارجنٹائن کی عبرتناک شکست پر میسی رو پڑے، ویڈیو وائرل
ارجنٹائن کے کپتان اور عالمی شہرت یافتہ فٹبالر لیونل میسی سلور میڈل وصول کرتے ہوئے اپنے جذبات پر قابو نہ رکھ سکے اور ان کی آنکھوں سے آنسو بہہ نکلے۔ اس لمحے کی ویڈیو سوشل میڈیا پر تیزی سے وائرل ہو گئی، جہاں لاکھوں مداحوں نے اپنے پسندیدہ کھلاڑی کے لیے ہمدردی اور محبت کا اظہار کیا۔
تمغے تقسیم کرنے کی تقریب کے دوران کیمروں نے میسی کو آبدیدہ حالت میں قید کیا، اگرچہ ان کی ٹیم عالمی اعزاز حاصل نہ کر سکی، لیکن اسٹیڈیم میں موجود ہزاروں ارجنٹائنی شائقین نے کھڑے ہو کر اپنے کپتان کو زبردست خراجِ تحسین پیش کیا۔ مداحوں کی جانب سے مسلسل تالیاں اور نعرے اس بات کا ثبوت تھے کہ شکست کے باوجود میسی کی خدمات اور عظمت میں کوئی کمی نہیں آئی۔
Lionel Messi is overcome with emotion after Argentina falls to Spain in the 2026 FIFA World Cup Final.
— Fox News (@FoxNews) July 19, 2026
Spain captures its second World Cup title after Ferran Torres scores the only goal in extra time, ending Argentina's reign as defending champions.
The emotional scene comes… pic.twitter.com/ELiuVi0WcY
یہ ورلڈ کپ میسی کے کیریئر کا شاید آخری عالمی کپ سمجھا جا رہا ہے، کیونکہ 2030 کے اگلے فیفا ورلڈ کپ تک ان کی عمر 43 برس ہو جائے گی۔ اسی وجہ سے 2026 کا ٹورنامنٹ ان کیلئے عالمی ٹائٹل جیتنے کا آخری حقیقی موقع تصور کیا جا رہا تھا، جس کے باعث فائنل میں شکست ان کے لیے انتہائی تکلیف دہ ثابت ہوئی۔
یہ بھی پڑھیں:ایمباپے نے میسی کا بڑا ریکارڈ چھین لیا
ٹورنامنٹ کے دوران لیونل میسی نے ایک مرتبہ پھر شاندار کھیل کا مظاہرہ کرتے ہوئے کئی تاریخی سنگ میل عبور کیے، انہوں نے مجموعی طور پر 8 گول اسکور کیے اور گولڈن بوٹ کی دوڑ میں نمایاں رہے، تاہم فرانس کے کیلیان ایمباپے نے 10 گول کر کے یہ اعزاز اپنے نام کر لیا۔
