پاکستان کرکٹ ٹیم کو بڑا دھچکا، فیلڈنگ کوچ شین میکڈرمٹ مستعفی

آسٹریلیا سے تعلق رکھنے والے کوچ نے اپنا استعفیٰ پاکستان کرکٹ بورڈ (پی سی بی) کو ارسال کر دیا۔

ذرائع کے مطابق شین میکڈرمٹ نے نجی مصروفیات کے باعث اپنی ذمہ داریوں سے علیحدگی اختیار کرنے کا فیصلہ کیا۔ وہ کچھ عرصہ قبل پی سی بی سے رخصت لے کر آسٹریلیا گئے تھے، جہاں ذاتی معاملات کے باعث انہوں نے معاہدہ مکمل ہونے سے قبل ہی عہدہ چھوڑنے کا فیصلہ کیا۔

اطلاعات کے مطابق شین میکڈرمٹ کا پاکستان کرکٹ بورڈ کے ساتھ تین سالہ معاہدہ تھا، تاہم انہوں نے مدت پوری ہونے سے پہلے ہی استعفیٰ دے دیا۔ انہوں نے 5 جولائی 2025 کو پاکستان وائٹ بال ٹیم کے فیلڈنگ کوچ کی حیثیت سے اپنی ذمہ داریاں سنبھالی تھیں۔

شین میکڈرمٹ کے دور میں قومی ٹیم کی فیلڈنگ میں نمایاں بہتری دیکھنے میں آئی، کھلاڑیوں کی کیچنگ، گراؤنڈ فیلڈنگ اور مجموعی فٹنس میں بہتری کو ان کی پیشہ ورانہ کوچنگ کا نتیجہ قرار دیا جاتا رہا، جس پر انہیں کرکٹ حلقوں کی جانب سے بھی سراہا گیا۔

یہ بھی پڑھیں:سرکاری ملازمین کی بیواؤں اور غیر شادی شدہ بیٹیوں کیلئے تاحیات پنشن بحال

ان کے استعفے کے بعد پاکستان کرکٹ بورڈ کو مصروف بین الاقوامی سیزن اور آئندہ وائٹ بال سیریز سے قبل نئے فیلڈنگ کوچ کے تقرر کا چیلنج درپیش ہوگا۔