فیفا ورلڈ کپ: ارجنٹائن نے مصر کو ہرا کر کوارٹر فائنل میں جگہ بنا لی
اٹلانٹا میں کھیلے گئے میچ میں مصر نے دفاعی چیمپئن کو ابتدا ہی میں دباؤ میں ڈال دیا، مصری ٹیم کی جانب سے یاسر ابراہیم نے پہلے ہاف میں شاندار ہیڈر کے ذریعے گول کر کے ٹیم کو برتری دلائی۔
ارجنٹائن کو فوری طور پر میچ میں واپسی کا موقع بھی ملا، تاہم مصر کے گول کیپر مصطفیٰ شوبیر نے لیونل میسی کی پینلٹی روک کر شائقین کو حیران کر دیا۔
دوسرے ہاف میں مصر نے ایک بار پھر تیز جوابی حملہ کیا اور مصطفیٰ زیکو نے گول کر کے برتری 0-2 کر دی، اس موقع پر ایسا محسوس ہو رہا تھا کہ مصر بڑا اپ سیٹ کرنے کے قریب ہے، مگر ارجنٹائن نے آخری لمحات میں شاندار کم بیک کیا۔
یہ بھی پڑھیں: سمپسنز کی فیفا ورلڈ کپ 2026 کے فائنل کی پیشگوئی وائرل
ارجنٹائن کی جانب سے کرسٹیان رومیرو نے پہلا گول کر کے خسارہ کم کیا، جس کے بعد لیونل میسی نے خوبصورت گول کے ذریعے مقابلہ برابر کر دیا، میچ کے اضافی وقت میں اینزو فرنینڈس نے فیصلہ کن گول داغ کر ارجنٹائن کو 2-3 کی یادگار فتح دلا دی۔
اس کامیابی کے ساتھ دفاعی چیمپئن ارجنٹائن نے کوارٹر فائنل میں جگہ بنا لی جبکہ مصر کی ٹیم شاندار مزاحمت کے باوجود ایونٹ سے باہر ہو گئی۔
