فیفا نے نیپال فٹبال ایسوسی ایشن کی رکنیت معطل کر دی
فیفا کے جاری کردہ اعلامیے کے مطابق یہ فیصلہ آرٹیکل 16 کے تحت کیا گیا ہے، اگلے نوٹس تک نافذ العمل رہے گا۔ معطلی کے بعد نیپال فٹبال ایسوسی ایشن اپنے تمام رکنیت سے متعلق حقوق سے محروم ہو گئی ہے۔
فیفا کے مطابق اس فیصلے کے نتیجے میں نیپال کے کسی بھی کھلاڑی، کوچ یا عہدیدار کو نہ صرف فیفا بلکہ ایشین فٹبال کنفیڈریشن (اے ایف سی) کے پروگرامز، تربیتی کیمپس اور مقابلوں میں شرکت کی اجازت نہیں ہوگی۔
اس اقدام کو عالمی فٹبال قوانین کی سنگین خلاف ورزیوں سے جوڑا جا رہا ہے، تاہم فیفا نے فوری طور پر تفصیلی وجوہات جاری نہیں کیں۔
اس فیصلے کے بعد نیپال فٹبال میں غیر یقینی صورتحال پیدا ہو گئی ہے اور کھیلوں کے حلقوں میں شدید تشویش پائی جا رہی ہے۔
ماہرین کے مطابق اس معطلی کے اثرات نیپال کے فٹبال ڈھانچے، کھلاڑیوں کی ترقی اور بین الاقوامی سطح پر کارکردگی پر براہ راست پڑ سکتے ہیں۔
یہ بھی پڑھیں:سرکاری خدمات حاصل کرنے کیلئے پاک ایپ متعارف
دوسری جانب کھیلوں کے تجزیہ کاروں کا کہنا ہے کہ اگر یہ معطلی طویل ہوئی تو نیپال کو اپنے فٹبال نظام میں بڑے پیمانے پر اصلاحات کرنا پڑیں گی تاکہ دوبارہ بین الاقوامی سطح پر واپسی ممکن ہو سکے۔
