سرکاری خدمات حاصل کرنے کیلئے پاک ایپ متعارف
اس جدید ڈیجیٹل پلیٹ فارم کا مقصد شہریوں کو ایک ہی جگہ پر متعدد سرکاری سہولیات فراہم کرنا اور دفتری امور میں تیزی لانا ہے۔
نیشنل آئی ٹی بورڈ کے مطابق یہ ایپ ایک جدید طرز کے یوزر انٹرفیس کے ساتھ تیار کی گئی ہے، جس میں بہتر کارکردگی اور آسان استعمال کیلئے خصوصی فیچرز شامل کیے گئے ہیں۔ اس ایپ کے ذریعے شہری مختلف سرکاری خدمات سے باآسانی استفادہ کر سکیں گے اور انہیں دفاتر کے چکر لگانے کی ضرورت نہیں رہے گی۔
حکام کا کہنا ہے کہ پاک ایپ کو اس انداز میں ڈیزائن کیا گیا ہے کہ شہریوں کو ایک مربوط اور اسمارٹ ڈیجیٹل نظام میسر آئے، جس سے نہ صرف وقت کی بچت ہوگی بلکہ شفافیت میں بھی اضافہ ہوگا۔ اس اقدام کو ڈیجیٹل پاکستان کے وژن کی جانب ایک اہم پیش رفت قرار دیا جا رہا ہے۔
ایپ کے ذریعے صارفین اپنے موبائل فون پر موجود مختلف نظاموں کے ذریعے آسانی سے خدمات حاصل کر سکیں گے۔ نیشنل آئی ٹی بورڈ نے شہریوں سے اپیل کی ہے کہ وہ اس جدید سہولت سے فائدہ اٹھائیں اور ڈیجیٹل نظام کا حصہ بنیں۔
یہ بھی پڑھیں:نویں اور دسویں محرم پر میٹرو، الیکٹرک اور سپیڈو بس سروس معطل
حکام کے مطابق یہ منصوبہ مستقبل میں دیگر شہروں تک بھی توسیع دیا جائے گا تاکہ پورے ملک میں سرکاری خدمات کو ڈیجیٹلائز کیا جا سکے اور عوام کو بہتر سہولت فراہم کی جا سکے۔
