کراچی کے نیشنل بینک کرکٹ سٹیڈیم میں کھیلے گئے میچ میں پشاور زلمی کی جانب سے دیے گئے 246 رنز کے ہدف کے تعاقب میں کراچی کنگز کی پوری ٹیم مقررہ 20 اوورز بھی پورے نہ کھیل سکی ، کنگز کی پوری ٹیم 17ویں اوور کی پہلی گیند پر صرف 87 رنز پر ہی ڈھیر ہو گئی۔
کراچی کنگز کی جانب سے اعظم خان 25 رنز بنا کر نمایاں رہے، سعد بیگ 14 اور خوشدل شاہ 10 رنز بنا کر آؤٹ ہوئے جبکہ دیگر کوئی کھلاڑی ڈبل فگر میں بھی داخل نہ ہو سکا۔
Peshawar Zalmi bundles out Karachi Kings for just 87 to secure a historic 159-run victory. It is officially the largest winning margin in HBL PSL history.#HBLPSL | #NewEra | #KKvPZ pic.twitter.com/3ELzyrRxqo
— PakistanSuperLeague (@thePSLt20) April 9, 2026
کنگز کے عباس آفریدی اور معین علی 9،9، سلمان علی آغا 5 اور محمد حمزہ 2 رن بنا کر پویلین لوٹے جبکہ محمد وسیم، کپتان ڈیوڈ وارنر اور ایڈم زمپا بغیر کھاتہ کھولے ہی چلتے بنے۔
پشاور زلمی کی جانب سے افتخار احمد، ناہید رانا اور سفیان مقیم نے 3،3 کھلاڑیوں کو پویلین کی راہ دکھائی جبکہ شریف الاسلام نے ایک وکٹ حاصل کی۔
قبل ازیں کراچی کنگز کی دعوت پر پہلے کھیلتے ہوئے پشاور زلمی نے مقررہ 20 اوورز میں 3 وکٹوں کے نقصان پر 246 رنز بنائے۔
An absolute batting masterclass in Karachi as Zalmi posts a total of 246👑🏏#NewEra | #KKvPZ pic.twitter.com/5Qo2RLo0Qv
— PakistanSuperLeague (@thePSLt20) April 9, 2026
پشاور زلمی کے کوشال مینڈس نے 52 گیندوں پر 4 چھکوں اور 14 چوکوں کی بدولت 109 رنز کی جارحانہ اننگز کھیلی جبکہ کپتان بابراعظم نے بھی ذمہ دارانہ بیٹنگ کا مظاہرہ کرتے ہوئے 51 گیندوں پر 87 رنز سکور کیے اور ناٹ آؤٹ رہے۔
Some magical 📸 from the first innings 💛#RiseofZalmi #Zalmi #YellowStorm #KKvPZ #HBLPSL11 pic.twitter.com/nRnliwIwxT
— Peshawar Zalmi (@PeshawarZalmi) April 9, 2026
زلمی کے عبدالصمد نے 12 گیندوں پر 40 رنز کی ناٹ آؤٹ اننگ کھیلی جبکہ مائیکل بریس ویل 6 رنز بنا کر پویلین لوٹے۔
کراچی کنگز کی جانب سے عباس آفریدی نے دو وکٹیں حاصل کیں جبکہ خوشدل شاہ نے ایک کھلاڑی کو آؤٹ کیا۔
