اسلام آباد انتظامیہ کی جانب سے جمعرات اور جمعہ کو مقامی تعطیلات جبکہ ہفتہ اور اتوار پہلے ہی زیادہ تر اسکولوں اور کالجوں میں چھٹی کے دن ہوتے ہیں، طلبہ کو مجموعی طور پر چار دن کی تعطیلات ملیں گی۔
یہ فیصلہ آفس آف ڈسٹرکٹ مجسٹریٹ اسلام آباد کی جانب سے جاری کردہ نوٹیفکیشن میں کیا گیا جس کے مطابق یہ تعطیلات اسلام آباد کی ریونیو حدود میں منائی جائیں گی۔ تاہم، ضروری سرکاری دفاتر اور عوامی خدمات کے ادارے بدستور کام کرتے رہیں گے۔
یہ اقدام اسلام آباد میں متوقع اعلیٰ سطحی سفارتی سرگرمیوں کے پیش نظر سخت انتظامی اور سیکیورٹی اقدامات کے باعث کیا گیا ہے۔
یہ بھی پڑھیں: اسلام آباد کے امتحانی مراکز میں امتحانات ملتوی
اطلاعات کے مطابق پاکستان آئندہ دنوں میں امریکہ اور ایران کے درمیان مذاکرات کی میزبانی کرنے جا رہا ہے جو دونوں ممالک کے درمیان حالیہ دو ہفتوں کی جنگ بندی کے بعد ہو رہے ہیں۔
وزیراعظم شہباز شریف نے بھی جنگ بندی کا خیر مقدم کیا ہے اور دونوں ممالک کو اسلام آباد میں مذاکرات کی دعوت دی ہے جس سے دارالحکومت کو ایک اہم سفارتی کردار حاصل ہو گیا ہے۔
