اپنے بیان میں انہوں نے کہا کہ طلبہ دوپہر 3 بجے کے بعد ویب سائٹ pectaa.edu.pk پر جا کر اپنے نتائج دیکھ سکتے ہیں۔ یہ اعلان پنجاب بھر کے طلبہ کے لیے ایک مرکزی پلیٹ فارم فراہم کرتا ہے جہاں وہ آسانی سے اپنا رزلٹ چیک کر سکتے ہیں۔

وزیراعلیٰ نے نتائج کا اعلان کرتے ہوئے بتایا کہ یہ صوبے کا پہلا اے آئی سے چلنے والا اور 100 فیصد مشین سے چیک کیا گیا امتحانی نظام ہے۔

یہ بھی پڑھیں: حجاج کرام کیلئے حکام کا اہم فیصلہ جاری

انہوں نے کہا کہ تقریباً 10 لاکھ طلبہ نے امتحان میں شرکت کی جس میں مجموعی کامیابی کا تناسب 88 فیصد رہا۔ لڑکوں کا پاس فیصد 83 فیصد جبکہ لڑکیوں کا 92 فیصد رہا۔

مریم نواز نے کہا کہ یہ نتائج طلبہ کی محنت، اساتذہ کی لگن اور والدین کی حمایت کا عکاس ہیں اور انہوں نے تعلیم میں شفافیت، انصاف اور مساوی مواقع فراہم کرنے کے عزم کا اعادہ کیا۔