پاکستان کی جانب سے دیے گئے 169 رنز کے ہدف کے تعاقب میں آسٹریلوی ٹیم مقررہ 20 اوورز میں 8 وکٹوں کے نقصان پر صرف 146 رنز ہی بنا پائی۔

مہمان ٹیم کی جانب سے کیمرون گرین 36، کپتان ٹریوس ہیڈ 23، میٹ رینشا 15، جوش فلپ 12 رنز بنا پائے جبکہ بریٹ لیٹ 34 رنز بنا کر ناٹ آؤٹ رہے۔

Spinners shine with a disciplined show 💫

Pakistan secure a comfortable 22-run win over Australia in the first T20I 👏#PAKvAUS | #MateWeAreReady | #BackTheBoysInGreen pic.twitter.com/gJYudwmvm6

— Pakistan Cricket (@TheRealPCB) January 29, 2026

آسٹریلیا کے چار کھلاڑی ڈبل فگر میں بھی داخل نہ ہو سکے، میتھیو شارٹ 5، مچل اوون 8، جیک ایڈورڈ 5 بنا کر پویلین لوٹے، ایڈم زمپا نے 5 رنز کی ناٹ آؤٹ اننگ کھیلی جبکہ کوپر کونولی بغیر کھاتہ کھولے ہی ابرار احمد کا شکار بن گئے۔

پاکستان کی جانب سے صائم ایوب اور ابرار احمد نے 2،2 جبکہ شاداب خان اور محمد نواز نے ایک، ایک وکٹ حاصل کی۔

قبل ازیں پاکستان نے ٹاس جیت کر پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 168 رنز بنائے۔

🏏 Innings Break 🏏
Pakistan post 168-8 with @SaimAyub7 top-scoring.

📺 Watch live in the UK region, sign up now at https://t.co/Z0RXSR7gYM#PAKvAUS | #MateWeAreReady | #BackTheBoysInGreen pic.twitter.com/ldejgopuMQ

— Pakistan Cricket (@TheRealPCB) January 29, 2026

پاکستان کی جانب سے صائم ایوب 22 گیندوں پر 40 رنز بنا کر نمایاں رہے جبکہ کپتان سلمان علی آغا نے 27 گیندوں پر 39 رنز کی اننگ کھیلی، بابر اعظم 24، عثمان خان 18 اور فخر زمان 10 رنز بنا کر پویلین لوٹے۔

اسی طرح شاداب خان ایک اور شاہین آفریدی بغیر کھاتہ کھولے ہی چلتے بنے جبکہ محمد نواز نے 15 رنز کی ناٹ آؤٹ اننگ کھیلی۔

یہ بھی پڑھیں: ورلڈ کپ کی بھارت سے منتقلی کیلئے آوازیں اٹھنے لگیں

آسٹریلیا کی جانب سے ایڈم زمپا نے 4 کھلاڑیوں کو پویلین بھیجا جبکہ بارٹ لیٹ اور بیئرڈمین نے 2،2 وکٹیں حاصل کیں۔

یوں پاکستان نے تین ٹی ٹوئنٹی میچز کی سیریز میں ایک صفر کی برتری حاصل کر لی ہے، سیریز کے بقیہ دو میچز بالترتیب 31 جنوری اور یکم فروری کو لاہور کے قذافی سٹیڈیم میں ہی کھیلے جائیں گے۔