پاکستان نے سری لنکا کی جانب سے دیا گیا 129 رنز کا ہدف 3 وکٹوں کے نقصان پر 16ویں اوور کی تیسری گیند پر حاصل کر لیا۔

میزبان پاکستان کی جانب سے صاحبزادہ فرحان نے 45 گیندوں پر 80 رنز کی ناقابل شکست اننگ کھیلی، ان کی اننگ میں 5 چھکے اور 6 چوکے شامل تھے۔

A blazing 8️⃣0️⃣* off just 4️⃣5️⃣ 🚀

Special knock from @RealSahibzada!#PAKvSL | #CricketKiJeet | #BackTheBoysInGreen pic.twitter.com/aqVQXHc0xi

— Pakistan Cricket (@TheRealPCB) November 22, 2025

پاکستانی بیٹر صائم ایوب 20، بابر اعظم 16 رنز بنا سکے جبکہ کپتان سلمان علی آغا بغیر کھاتہ کھولے ہی پویلین چلتے بنے، وکٹ کیپر بیٹر عثمان خان 5 رنز بنا کر ناٹ آؤٹ رہے۔

سری لنکا کی جانب سے دشمانتھا چمیرا نے 2 وکٹیں حاصل کیں جبکہ داسن شناکا نے ایک کھلاڑی کو آؤٹ کیا۔

قبل ازیں سری لنکا نے ٹاس جیت کر پہلے بیٹنگ کرتے ہوئے مقررہ 20 اوورز 7 وکٹوں کے نقصان پر 128 رنز بنائے۔

A clinical bowling display keeps Sri Lanka to 128-7 🎯@mnawaz94 led the charge with three wickets 🔥

📺 Watch live in the UK region, sign up now at https://t.co/Z0RXSR7gYM#CricketKiJeet | #PAKvSL | #BackTheBoysInGreen pic.twitter.com/Sz0CnRH7bW

— Pakistan Cricket (@TheRealPCB) November 22, 2025

سری لنکا کی جانب سے جینتھ لیانیج نے 41 رنز کی ناٹ آؤٹ اننگ کھیلی، کوشال پریرا نے 25، کامل مشارا نے 22، پاتھم نسانکا نے 17 جبکہ وانندو ہاسارنگا نے 11 رنز سکور کیے۔

مہمان ٹیم کے کوشال مینڈس اور کمینڈو مینڈس 3،3 جبکہ کپتان داسن شناکا بغیر کھاتہ کھولے ہی پویلین لوٹ گئے۔

پاکستان کی جانب سے محمد نواز نے 3 کھلاڑیوں کو پویلین کی راہ دکھائی جبکہ فہیم اشرف اور سلمان مرزا نے ایک، ایک وکٹ حاصل کی۔

واضح رہے کہ ٹرائی نیشن سیریز کے پہلے میچ میں میزبان پاکستان نے زمبابوے کو 5 وکٹوں سے ہرا کر سیریز کا فاتحانہ آغاز کیا تھا جبکہ دوسرے میچ میں زمبابوے نے سری لنکا کو 67 رنز کے بھاری مارجن سے شکست دے کر سیریز کی پہلی فتح سمیٹی تھی۔