پی سی بی کی جانب سے جاری کی گئی پریس ریلیز میں بتایا گیا کہ ساؤتھ افریقا کے خلاف وائٹ بال سیریز میں شامل حسن نواز کو سری لنکا کے خلاف سیریز سے ڈراپ کردیا گیا ہے۔

سری لنکا کے خلاف ون ڈے سیریز اور پاکستان، سری لنکا اور زمبابوے کی ٹیموں کے درمیان تین ملکی ٹی20 سیریز کے لیے فخر زمان کو سکواڈ میں شامل کرلیا گیا ہے۔

واضح رہے کہ پاکستان اور سری لنکا کی ٹیمیں ون ڈے سیریز کے میچز میں 11 سے 15 نومبر تک راولپنڈی کرکٹ سٹیڈیم میں مدمقابل آئیں گی۔

علاوہ ازیں پاکستان ،سری لنکا اور زمبابوے کے درمیان کھیلی جانے والی سہ فریقی ٹی20 سیریز کا 17 سے 29 نومبر تک راولپنڈی اور لاہور میں انعقاد ہو گا۔

یہ بھی پڑھیں: پاکستان نے جنوبی افریقہ کو شکست دے کر سیریز اپنے نام کرلی

پی سی بی کے مطابق پاکستان کے قومی ون ڈے سکواڈ میں شاہین شاہ آفریدی (کپتان)، ابرار احمد، بابراعظم، فہیم اشرف، فیصل اکرم، فخر زمان، حارث رؤف شامل ہیں۔

اسی طرح حسیب اللہ، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب، سلمان علی آغا کو بھی قومی ون ڈے سکواڈ کا حصہ بنایا گیا ہے۔

قومی ٹی20 سکواڈ سلمان علی آغا (کپتان)، عبدالصمد، ابرار احمد، بابراعظم، فہیم اشرف، فخر زمان، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان (وکٹ کیپر)، صائم ایوب، شاہین شاہ آفریدی، عثمان خان (وکٹ کیپر) اور عثمان طارق پر مشتمل ہے۔