جنوبی افریقہ کی جانب سے کوئنٹن ڈی کوک نے 123 رنز کی ناقابل شکست اننگ کھیلی، ان کی اننگ میں 7 چھکے اور 8 چوکے شامل تھے ، ٹونی ڈی زورزی 76 اور لووان پریٹوریئس 46 رنز بنا کر آؤٹ ہوئے جبکہ میتھیو بریٹزے 17 رنز بنا کر ناٹ آؤٹ رہے۔
پاکستان کی جانب سے فہیم اشرف اور محمد وسیم جونیئر نے ایک ، ایک وکٹ حاصل کی۔
🏏 Series level! South Africa win the 2nd ODI by 8 wickets, the decider awaits on 8 November at Iqbal Stadium, Faisalabad 🏟️#PAKvSA | #GreenPeYaqeen | #BackTheBoysInGreen pic.twitter.com/UmRRUQHXUm
— Pakistan Cricket (@TheRealPCB) November 6, 2025
قبل ازیں پاکستان نے جنوبی افریقہ کے خلاف ٹاس جیت کر پہلے بیٹنگ کا فیصلہ کیا اور مقررہ 50 اوورز میں 9 وکٹوں کے نقصان پر 269 رنز بنائے۔
پاکستان کی جانب سے فخر زمان اور صائم ایوب نے اننگ کا آغاز کیا تاہم ایک رن پر ہی پاکستان کی پہلی وکٹ گر گئی، اوپنر فخر زمان بغیر کھاتہ کھولے ہی پویلین لوٹ گئے، کریز پر موجود صائم ایوب کا ساتھ نبھانے بابر آئے تاہم وہ بھی زیادہ دیر کریز پر نہ ٹھہر سکے اور محض 11 رنز بنا کر چلتے بنے۔
💪 Pakistan finish strong! Set a target of 270 for South Africa in the 2nd ODI at Iqbal Stadium, Faisalabad 🇵🇰🏏
— Pakistan Cricket (@TheRealPCB) November 6, 2025
📺 Watch live in the UK region, sign up now at https://t.co/Z0RXSR7gYM#PAKvSA | #GreenPeYaqeen | #BackTheBoysInGreen pic.twitter.com/z9TfRyz5gi
نئے آنے والے بیٹر محمد رضوان بھی کریز پر چند لمحوں کے مہمان ثابت ہوئے اور صرف 4 رنز بنا کر برگر کا شکار بنے، 22 رنز کے مجموعے پر پاکستان ٹیم تین وکٹیں گنوا چکی تھی، صائم ایوب اور سلمان آغا نے اننگ کو 114 رنز تک پہنچایا تاہم صائم بھی 53 رنز بنا کر ہمت ہار گئے اور کوربن بوش کی گیند پر انہی کے ہاتھوں کیچ تھما بیٹھے۔
پاکستان کے حسین طلعت 10 رنز بنا کر پویلین لوٹے، سلمان آغا بھی 69 رنز بنا کر آؤٹ ہو گئے، محمد نواز نے 59 رنز کی شاندار اننگ کھیلی جبکہ فہیم اشرف 28 اور کپتان شاہین آفریدی نے ایک رن سکور کیا، محمد وسیم جونیئر نے 12 اور نسیم شاہ نے 6 رنز کی ناٹ آؤٹ اننگ کھیلی۔
جنوبی افریقا کی جانب سے ناندرے برگر نے 4 اور قابا یومزی پیٹر نے 3 کھلاڑیوں کو آؤٹ کیا جبکہ کوربن بوش نے ایک وکٹ حاصل کی۔
