یہ اعلان امریکہ، اسرائیل اور ایران کے درمیان بڑھتی ہوئی کشیدگی کے باعث پیدا ہونے والی قیاس آرائیوں کے بعد سامنے آیا ہے۔

رپورٹس کے مطابق حج آپریشن کے پہلے روز کراچی، لاہور، سیالکوٹ اور ملتان سے پروازیں روانہ ہوں گی، عازمین حج کو ان کی مخصوص پروازوں کی تفصیلات اگلے ہفتے فراہم کر دی جائیں گی۔

یہ بھی پڑھیں: عیدالفطر سے قبل تنخواہوں اور پنشن کی پیشگی ادائیگی کا اعلان

سرکاری حج اسکیم کے تحت مجموعی طور پر 468 پروازوں کے ذریعے 1 لاکھ 19 ہزار عازمین کو سعودی عرب منتقل کیا جائے گا۔

مزید یہ کہ آپریشن کے پہلے دن چار پروازیں مدینہ منورہ کے لیے روانہ کی جائیں گی جبکہ جدہ کے لیے پروازوں کا آغاز 4 مئی 2026 سے ہوگا۔

خیال رہے کہ آخری حج پرواز 21 مئی 2026 کو روانہ ہوگی۔