اس حوالے سے صوبائی محکمہ خزانہ نے باقاعدہ نوٹیفکیشن جاری کر دیا ہے، نوٹیفکیشن کے مطابق تمام مسلم سرکاری ملازمین کو 16 مارچ 2026 کو تنخواہیں ادا کی جائیں گی۔
اسی تاریخ کو پنشن بھی جاری کی جائے گی تاکہ ریٹائرڈ ملازمین کو بروقت مالی سہولت فراہم کی جا سکے، یہ پیشگی ادائیگی مارچ کے معمول کے مطابق ہونے والی تنخواہوں اور پنشن کی ادائیگی کے بعد کی جا رہی ہے۔
عید سے قبل ادائیگی کا یہ فیصلہ سرکاری ملازمین کے لیے تہوار کے موقع پر مالی سہولت فراہم کرنے کے لیے کیا گیا ہے۔
یہ بھی پڑھیں: حکومت کا 2 چھٹیوں کا اعلان، نوٹیفکیشن جاری
خیال رہے کہ ملک بھر میں عیدالفطر 21 مارچ 2026 کو منائے جانے کا امکان ہے۔
محکمہ موسمیات کے مطابق شوال 1447 ہجری کا نیا چاند 19 مارچ 2026 کو صبح 06:23 (PST) پر پیدا ہوگا۔ تاہم اُس وقت چاند کی عمر 12 سے 13 گھنٹے ہوگی جو رویت کے لیے موزوں نہیں سمجھی جاتی۔
فلکیاتی تجزیے کے مطابق 19 مارچ 2026 کی شام (29 رمضان 1447 ہجری) کو شوال کا چاند نظر آنے کا کوئی امکان نہیں ہے۔
