تفصیلات کے مطابق پاکستان کرکٹ بورڈ (پی سی بی) نے قوانین اور قواعد و ضوابط کی خلاف ورزی ہونے پر احتجاجا خط لکھا جس میں انہوں نے میچ ریفری اینڈی پائی کرافٹ کو ایشیا کپ سے ہٹانے کا مطالبہ کر دیا۔ خط ایشیا کپ میں پاک بھارت میچ کے دوران پیش آنے والے واقعہ کی روشنی میں لکھا گیا ہے۔

یہ بھی پڑھیں: ایشیا کپ: بھارت نے پاکستان کو 7 وکٹوں سے شکست دے دی

اینڈی پائی کرافٹ نے پاکستان کے کپتان سلمان آغا سے کہا کہ ٹاس کے موقع ہینڈ شیک نہیں ہوگا۔ اینڈی پائی کرافٹ نے اس سے قبل پاکستان میڈیا مینجر سے کہا کہ یہ سب ریکارڈ نہیں ہونا چاہیے۔ میچ ریفری پھر انڈیا کے کپتان کو سائیڈ پر لے جاتے ہیں۔ میچ کے اختتام پر مینجر نوید اکرم چیمہ نے ٹورنامنٹ ڈائریکٹر اینڈریو رسل سے تحفظات کا اظہار کیا۔
اینڈریو رسل نے کہا کہ ہمیں بھارتی بورڈ سے ہدایات ملی ہیں اور پھر کہا یہ اصل میں بھارتی حکومت کی ہدایات ہیں۔ اس موقع پر ٹیم میڈیا مینجر موجود تھے پھر مینجر نوید اکرم چیمہ نے میچ ریفری سے احٹجاج ریکارڈ کرایا۔ پاکستان کرکٹ بورڈ نے ایم سی سی قوانین کا حوالہ بھی دیا ہے۔ پاکستان کرکٹ بورڈ نے اسپرٹ آف دی گیم کو بار بار دہرایا ہے۔
خط میں موقف اپنایا گیا کہ میچ ریفری نے اپنی ذمہ داریوں کو نہیں نبھایا، میچ ریفری نے آئی سی سی کوڈ آف کنڈکٹ کی خلاف ورزی کی ہے، اسپرٹ آف دی گیم کو نقصان پہنچانے کی کوشش کی گئی ہے، میچ ریفری کا کنڈکٹ اسپرٹ آف دی گیم اور ایم سی سی قوانین کے منافی ہے، پی سی بی سمجھتا ہے کہ یہ بہت بڑی خلاف ورزی ہے۔